بېيجىڭ شەھىرىدە تۇرۇشلۇق دەي فامىلىلىك بۇلتۇر 28-ئاۋغۇست چۈشتىن كېيىن مەلۇم سۈتچىلىك چەكلىك شىركىتىنىڭ ئالدىدا ئۆچىرەتتە تۇرغاندا تۇيۇقسىز كىچىك تەرىتى قىستاپ كەتكەن، ئۇ شىركەت تېمىغا كىچىك تەرەت قىلىۋاتقاندا، تۇيۇقسىز بىر ئىت ئېتىلىپ كېلىپ ئۇنى چىشلەپ يارىلاندۇرغان، ئۇ ئەدىلىيەلىك باھالاشتا 10-دەرىجىلىك مېيىپ بولغان دەپ بېكىتىلگەن. دەي فامىلىلىك شۇنىڭدىن كېيىن بۇ شىركەت ئۈستىدىن سوت مەھكىمىسىگە ئەرز سۇنۇپ، تۈرلۈك زىيىنى ئۈچۈن 110 مىڭ يۈەن تۆلەم  تەلەپ قىلغان.

    سوت مەھكىمىسى يېقىندا بۇ دېلوغا سوت ئېچىپ، مەلۇم شىركەت بىخەتەرلىك تەدبىرى قوللانمىغانلىقى سەۋەبلىك، دەي فامىلىلىكنىڭ يارىلىنىشىنى كەلتۈرۈپ چىقارغان، شۇڭا تېگىشلىك مەسئۇلىيەتنى ئۈستىگە ئېلىشى كېرەك، لېكىن دەۋاگەر دەي فامىلىلىك ئۆزىنى قوغداش ئىقتىدارىغا ئىگە بولسىمۇ، ئىتتىن قوغدىنىش تەدبىرى قوللانمىغان، شۇڭا جاۋابكارنىڭ تۆلەم مەسئۇلىيىتىنى ئازايتىش كېرەك، دەپ قاراپ مەلۇم شىركەتنى دەي فامىللىككە 50 مىڭ يۈەن تۆلەم بېرىشكە بۇيرۇغان.