«بۈگۈنكى مۇھىم خەۋەرلەر» تورى 23-مارت خەۋىرى، نۇر تورى تەرجىمىسى : 2016-يىللىق نىيۇيورك ئاپتوموبىل كۆرگەزمىسى رەسمىي ئېچىلىش ھارپىسىدا، مازدا ئاپتوموبىل شىركىتى MX-5 RF ئۈستى ئوچۇق ئاپتوموبىل پاسونىنى ئېلان قىلىندى، بۇ ئاپتوموبىلنىڭ نامى MX-5RF(retractablefastback). ئىلگىرى ئېلان قىلىنغان يۇمشاق يوپۇقلۇق ئاپتوموبىل پاسونىغا قارىغاندا، بۇ ئاپتوموبىلغا قاتتىق يوپۇقلۇق قۇرۇلما قوللىنىلغان. بۇ ئاپتوموبىل تەنھەرىكەت ئۇسلۇبىغا ئىگە پۇقرالار بەيگە ئاپتوموبىلى بولۇپ، ئېلان قىلىنغاندىن كېيىن مەزكۇر يۈرۈشلۈك ئاپتوموبىل پاسونلىرىنىڭ مەھسۇلات لىنىيىسىنى تولۇقلىدى. تاشقى كۆرۈنۈشى جەھەتتە بۇ ئاپتوموبىل يۇمشاق يوپۇقلۇق پاسونى بىلەن يۈكسەك بىرلىكنى ساقلىغان، ئىلغار بولغان جەمەت شەكلىدىكى لايىھىلەش ئىدىيىسى بۇ ئاپتوموبىلنىڭ ئالدى يۈز قىسمىدا ئىنتايىن ياخشى نامايەن بولغان. بۇندىن باشقا بۇ ئاپتوموبىلنىڭ ئارقى قىسىم شەكلىمۇ يەنىلا شۇنداق ئۆزگىچىلىكنى ساقلىغان.  بۇ ئاپتوموبىلغا مېخانىك شەكلىدىكى قاتتىق يوپۇق قۇرۇلمىسى قوللىنىلغان، بۇ خىل قۇرۇلما ئاپتوموبىلنىڭ B تۈۋرۈكى بىلەن ئارقا ئەينىكىنىڭ قايتا لايىھىلىنىشىگە سەۋەب بولغان. ئىچكى بېزىلىشىگە كەلسەك، بۇ ئاپتوموبىلغا بىرقەدەر ئاددىي بولغان لايىھە قوللىنىلغان. ھەرىكەتلەندۈرۈش كۈچى جەھەتتە، بۇ ئاپتوموبىلغا داۋاملىق تۈردە 1.5 لتېرلىق ماتور سەپلەنگەن بولۇپ، ئۇنىڭ ئەڭ چوڭ قۇۋۋىتى 96 كىلوۋات، ماكسىموم تولغىنىش مومېنتى 150 ن.م. كۈچ ئۇزىتىشتا ئالتە خوتلۇق مېخانىك سۈرئەت ئۆزگەرتكۈچ ياكى ئالتە خوتلۇق ئاپتوماتىك سۈرئەت ئۆزگەرتكۈچ سەپلەنگەن.