شۇ جاي ۋاقتى 2016-يىلى 22-مارت، بېلگىيەنىڭ بىريۇسسېل شەھىرىدە، خەلق ئاممىسى تېررورلۇق ھۇجۇمىدا قازا قىلغانلارغا تەزىيە بىلدۈردى.  ھازىرغاقەدەر، ئىككى قېتىملىق پارتلىتىش ۋەقەسىدە ئاز دېگەندە 34 ئادەم قازا قىلىپ، 250 گە يېقىن ئادەم يارىلانغان. ئۇدا ئىككى قېتىم پارتلىتىش ھۇجۇمىغا ئۇچرىغاندىن كېيىن، بېلگىيە دائىرىلىرى بريۇسسېلنىڭ بىخەتەرلىك ئاگاھلاندۇرۇش دەرىجىسىنى ئەڭ ئالىي دەرىجىگە تەڭشىگەن. دائىرىلەر يەرلىك ئاھالىلەرگە، جىسمانىي بىخەتەرلىكىگە كاپالەتلىك قىلىش ئۈچۈن، سىرتقا چىقماي، ئۆيىدە تۇرۇشنى؛ ياكى ئەسلى ئورنىدا تۇرۇشنى ئۇقتۇرۇش قىلغان. شۇنداقلا، بېلگىيە دائىرىلىرى يەنە بريۇسسېلدىكى پارتلاش ۋەقەسىنى رەسمى تېررورلۇق ھۇجۇمى دەپ بېكىتكەن.

بېلگىيە باش ۋەزىرى چارلېس چېل، زەنجىرسىمان تېررورلۇق ھۇجۇم ۋەقەسى يۈز بەرگەندىن كېيىن تېلېۋىزىيە نۇتقى سۆزلەپ، بېلگىيە خەلقىنى سوغۇققان بولۇشقا ۋە بىردەك ئىتتىپاقلىشىشقا مۇراجىئەت قىلغان.