شىنجاڭدىكى تۇنجى ئالاقە تورى +كەسىپ ئىتتىپاقى ئۈلۈشكۈن ئۈرۈمچى شەھىرىدىكى يۇقىرى يېڭى تېخنىكا رايونىدا قۇرۇلدى، بۇ ئىتتىپاق چېگرا ھالقىش، سىڭىشىش، ھەمكارلىشىش، يېڭىلىق يارىتىش، ئورتاق غەلىبە قىلىش ئىدىيەسى بىلەن قوشۇش ئۇسۇلى ئارقىلىق ھەرقايسى كەسىپ ۋە كارخانىلارغا ھەمكارلىشىپ ئورتاق غەلىبە قىلىش سەھنىسى ھازىرلاپ، ئالاقە تورى كەسپى بىلەن ئەمەلىي گەۋدە ئىقتىسادىنىڭ جىپسىلىشىپ تەرەققىي قىلىشىنى ئىلگىرى سۈرۈپ، شىنجاڭنىڭ ئىقتىسادىنىڭ تىپىنى ئۆزگەرتىپ، دەرىجىسىنى ئاشۇرۇشقا غايەت زور كۈچ ئاتا قىلىدۇ، ئۈرۈمچى شەھىرى يۇقىرى يېڭى تېخنىكا رايونى پۈتۈن مەملىكەتتىكى تۇنجى تۈركۈم دۆلەتلىك تور سودىسى ئۈلگە كۆرسىتىش بازىلىرىنىڭ بىرى، نۆۋەتتە بۇ يەردە ئېلېكتىر ئۇچۇر تېخنىكا ساھەسىدىكى كارخانا 200دىن ئاشتى، تور سودىسى ۋە ئالاقىدار ساھەلەردىكى كەسىپلەر بىلەن شۇغۇللىنىدىغان نۇقتىلىق كارخانىلار 120دىن ئاشتى، سودا كۆلىمى 50 مىليارد يۈەنگە يەتتى.