«قوش 11» بىلەن پۇخادىن چىقمىغان ئالى بابا «تۆمۈرنى قىززىقىدا سوقۇپ»، ئۇنىڭ كەينىدىنلا «قوش 12» نى كۆتۈرۈپ چىقتى، ئۇنداقتا، بۇ كۈنى تىيەنماۋ تورىدىن يانفون سېتىۋالغانلارنىڭ سانى زادى قانچىلىك؟ ئىستېمالچىلار قايسى يانفونلارنى ئەڭ كۆپ سېتىۋالدى؟

تىيەنماۋ تورى بۈگۈن «قوش 12» دىكى يانفون شەرەپ تاختىسىنى ئېلان قىلغان. شەرەپ تاختىسىدىن كۆرۈۋېلىشقا بولىدۇكى، ئايفون ھىلىھەم يۇقىرى ئىستېمال بازىرىغا ھۆكۈمرانلىق قىلىۋاتقان بولۇپ، ئۇ دۆلىتىمىزدىكى ئىستېمالچىلار ئەڭ ياقتۇرغان بايراقدار دەرىجىلىك يانفون، توغرىراقى ئالىي دەرىجىلىك يانفونغا ئايلانغان، ھىچقانداق بىر يانفون ئۇنىڭ ئورنىنى ئالالمىغان.

شەرەپ تاختىسىغا چىققان يانفونلار «قوش 12» كۈنىدىكى سېتىلىش مىقدارىغا ئاساسلىنىپ رەتكە تۇرغۇزۇلغان، بۇنىڭ ئىچىدە، 1000 يۈەندىن تۆۋەن يانفونلار ئىچىدە، خوڭمى Note 3 سېتىلىش مىقدارى بويىچە 1-بولغان، چىكۇ يانفونى ياشلار نۇسخىسى، خوڭمى 2A كۈچەيتىلگەن نۇسخىسى، مېيلەن 2 ۋە مېيلەن Note 2 قاتارلىقلار ئۇنىڭ كەينىگە تىزىلغان.

سېتىلىش باھاسى 1000~2000 يۈەنگىچە بولغان يانفونلار ئىچىدە، ئەڭ كۆپ سېتىلغىنى لېشى 1S بولغان، خۇاۋېينىڭ ئۈچ خىل يانفونى بۇ تىزىملىككە كىرگەن، بۇلار روڭياۋ چاڭۋەن5X، چاڭشىياڭ 5S ۋە روڭياۋ 6 Plus قاتارلىقلار، ئۇندىن باشقا، مېيزۇنىڭ مېيلەن metal يانفونى 4-ئورۇنغا تىزىلغان.

سېتىلىش باھاسى 2000~3000 يۈەنگىچە بولغان يانفونلار ئىچىدە، شىياۋمى Note نىڭ باھاسى 1999 يۈەنگە چۈشۈرۈلگەنلىكتىن، سېتىلىش مىقدارى شىددەت بىلەن كۆپىيىپ، 1-ئورۇنغا چىققان، 2-ئورۇندا تۇرغىنى خۇاۋېي روڭياۋ 7 بولغان. vivo X6、iPhone 5S、OPPO R7s قاتارلىقلار ئۇنىڭ كەينىگە تىزىلغان.

ئەڭ يارقىن نۇقتىغا ئايلانغىنى باھاسى 3000 يۈەندىن ئاشىدىغان يانفونلار بولۇپ، بۇ بىر كۈندىكى سېتىلىش مىقدارى جەھەتتە ئالما يانفونلىرى ئالدىنقى تۆت ئورۇننى ئىگەللىگەن، يەنى iPhone 6S、iPhone 6S Plus、iPhone 6 ۋە iPhone 6 Plus قاتارلىقلار بۇ تىزىملىكتىن ئورۇن ئالغان، دۆلىتىمىزدە ئىشلەنگەن يانفونلاردىن پەقەت خۇاۋېي Mate 8 لا بۇ تىزىملىككە كىرەلىگەن.

بۇ شەرەپ تاختىسىنى كۆرۈپ بەزىلەر مۇنداق بىر گەپنى ئېسىگە ئالغان بولۇشى مۇمكىن:

دۆلىتىمىزدە يانفون ئادەمنىڭ سالاھىيىتىگە ۋەكىللىك قىلىدۇ، شۇنداق بولغانىكەن، مائاشى 1000يۈەن، 2000 يۈەن بولغانلارمۇ، يېمەي-ئىچمەي يىغقان پۇلىغا ئايفون سېتىۋېلىشنى خالايدۇ. «ئازراق چىدىساقلا سېتىۋالغىلى بولىدىكەنغۇ» -نۇرغۇن كىشىلەر دەل مۇشۇنداق ئويدا بولۇشى مۇمكىن.