بەيدۇ تورى خەۋىرى لەگلەك تورى تەرجىمىسى .ئىككى كۈندىن بۇيان ئۇكرائىنا ھۆكۈمەت ئارمىيىسى نۇرغۇن رۇسىيە مۇخبىرلىرىنى تۇتۇۋالدى .22-ماي بۈگۈنكى روسىيە تېلېۋزىيە ئىستانسىسىنىڭ ئەنگىلىيلىك تەكلىپلىك خەۋەرچىسى گىراخان فېلىپىز 36سائەت تۇرۇپ تۇرۇلغاندىن كېيىن قۇيۇپ بېرىلدى .قايتا ئەركىنلىككە ئېرىشكەن فېلىپز ئۆزىنىڭ سىرتقى دۇنيادىن ئايرىلىپ قالغان 36 سائەتنى قانداق ئۆتكۈزگەنلىكىنى سۆزلەپ بەردى .

20-ماي ئۇكرائىنانىڭ شەرقىدىكى مارىئوپول شەھىرىدىكى بىر تەكشۈرۈش پونكىتىدا سۈرەتكە ئېلىۋاتقان گىراخان فىلىپىزنى ئۇكرائىنا خەۋپسىزلىك قىسمى توسقان ،ئۇكرائىنا ۋەزىيىتى كەسكىنلەشكەندىن بۇيان گىراخان شۇ يەردىكى قالايمىقانچىلىق ھەققىدىكى نۇرغۇن كۆرۈنۈشنى سۈرەتكە ئېلىپ كىرىشتۈرۈپ بەرگەن .پەقەت بۇ قېتىم ئۇكرائىنا خەۋپسىزلىك قىسمىنىڭ تىنتىش ۋە سۈرۈشتۈرۈشى كۈتۈلمىگەندە ناھايىتى ئىنچىكە بۇلۇپ قالغان .

گىراخاننىڭ دېيىشىچە ئۇلار ئوقتىن مۇداپىئەلىنىش جىلىتكىسىنى بايقاپ قالغان ،ئەمەلىيەتتە بۇنى شۇ يەردىكى تېلېۋىزىيە ئىستانسىسى كۈتۈلمىگەن توقۇنۇشنى كۆزدە تۇتۇپ ئۇنىڭغا سەپلەپ بەرگەن ئىكەن ،ئۇ چاغدا ئەھۋال ئىنتايىن ئېغىر بۇلۇپ ،ساقچىلار ئۇنىڭدىن كىملىكىنى سورىغان ،گىراخان ئۇلارغا مەن بۈگۈنكى روسىيە تېلېۋىزىيە ئىستانسىسىنىڭ مۇخبىرى دېگەن ،بىراق بۇ جاۋاپ ئۇلارنى چۆچىتۈۋەتتى . ئۇلار ئۇنىڭغا ئاپتوموبىلنى چەتكە توختىتىشقا بۇيرىغان . ئاندىن تەكشۈرۈش پونكىتىغا ئېلىپ كىرگەن .

گىراخان شۇ ۋاقىتتىن باشلاپ تۇتۇپ تۇرۇلدى ، تۇتۇپ تۇرۇلغان مەزگىلدە ئۇكرائىنا تەرەپ ئۇنىڭدىن جاسۇس ياكى ئەمەسلىكىنى سورىدى ،گىراخاننىڭ تەسۋىرلەپ بېرىشىچە ،ئۇ ھاجەتكە قوراللىق مۇھاپىزەتچىنىڭ ھەمراھلىقىدا بارغان ،شۇ كۈنى كەچتە گىراخان WTغا يۆتكەلگەن .بۇ ھەربىي لاگېر ھەربىي بازا بۇلۇپ ،ئۇنى ئەسكەرلەر ياتىقىغا ئورۇنلاشتۇرغان .قاراۋۇل ئۇنىڭغا بېشنى كۆتۈرمەسلىكنى ئۇخلىماسلىقنى ئېيتقان .ئۇلار يەنە ئۇنىڭغا قېچىشقا ئورۇندىغان ھەرقانداق تەلۋىلەرچە ھەرقانداق ھەرىكەت كۆرۈلسە ئۆزلىرىنىڭ ھەرقانداق تەدبىرنى قوللىنىپ ئۇنى شۇ يەردە تۇتۇپ تۇرسىلا بولىدىغانلىقى ھەققىدە بۇيرۇق تاپشۇرۇۋالغانلىقىنى ناھايىتى ئېنىق قىلىپ ئېيتقان .

كېيىن گىراخاننىڭ قولىنى ئارقىسىغا قىلىپ كويزا سېلىپ قويۇپ ،بېشىغا قارا خالتا كىيگۈزۈپ كىيېۋ شەھەر مەركىزىگە ئېلىپ بارغان ،كىيېۋ شەھەر مەركىزىدە ئەنگىلىيىنىڭ ئوكرائىنادىكى ئەلچىخانا ئەمەلدارلىرى ئۇكرائىنا تەرەپ بىلەن ئۇچرىشىپ سۆھبەتلەشتى . نەتىجىدە ئۇكرائىنا 21-ماي كۈنى كەچتە گىراخاننى قۇيۇپ بېرىشكە قوشۇلغان .قۇيۇپ بېرىلگەندىن كېيىن گىراخان دەرھال twtterدا خەۋەر بېرىپ : ‹ مەن بايا قۇيۇپ بېرىلدىم ،20-ماي مارىئوپولدا ئۇكرائىنا دائىرلىرىنىڭ بېسىم ئىشلىتىشى بىلەن مېنى زاپورىغا يۆتكىدى ،مۇھاپىزەتچىلەرنىڭ قاراۋۇللىقىدا بىر كېچىنى ئۆتكۈزدۈم ،1-ماي مۇھاپىزەتچىلەر يەنە مېنى يۆتكىدى ،ئۇلار مېنىڭدىن يەنە بۈگۈنكى رۇسىيە تېلېۋىزىيە ئىستانسىسىدا نېمە خىزمەت قىلىدىغانلىقىمنى تەپسىلىي سورىدى ،ھەممىسى تەرتىپلەرگە ماس كېلىدۇ ، مېنى ئەيبلەشنى ئېيتمىدى ،ئۇكرائىنادىنمۇ قوغلاپ چىقارمىدى ،شۇنداقلا ماڭا زوراۋانلىق قىلمىدى ›دېدى .

گىراخان بىخەتەر قۇيۇپ بېرىلدى ،لېكىن رۇسىيە تۇرمۇش قانىلىنىڭ ئىككى مۇخبىرى يەنىلا ئوكرائىنادا تۇتۇپ تۇرلىۋاتىدۇ .

لەگلەك تورى ئۈندىدار سالونىنى قۇشىۋېلىڭ ئىزدەش نومۇرى :LEGLEK