msnساغلاملىق تورى خەۋىرى لەگلەك تورى تەرجىمىسى.تاماكا چېكىش يۈرەك كېسىلىنى پەيدا قىلىدۇ، بۇ نوقۇل تاماكا چەككۈچىگە قارىتىلىپلا قالماستىن، تاماكا چەكمەيدىغان، ئەمما باشقىلار چەككەن تاماكىدا ئىسلانغانلارغىمۇ قارىتىلىدۇ. ئىسلىنىش جىددىي خاراكتېرلىك تاجىسىمان يۈرەك كېسىلى پەيدا قىلىدۇ، ئىسلىنىش ۋاقتى قىسقا بولغان تەقدىردىمۇ تاجىسىمان يۈرەك كېسىلىگە دۇچار بولۇش خەۋپى ئوخشاشلا يۇقىرى بولىدۇ.

بۇ بىيولوگىيە ئىلمىدا ئاللىقاچان ئىسپاتلانغان. باشقىلار چەككەن تاماكىدىن چىققان ئىسنىڭ تەركىبىدىكى بىرنەچچە خىل تەركىب ئېغىر دەرىجىدە يۈرەك قان تومۇرنىڭ زەھەرلىنىشى، يۈرەك، قان ۋە قان تومۇرنىڭ نورمال ئىقتىدارىنىڭ قالايمىقانلىشىشىنى كەلتۈرۈپ چىقىرىپ، قان تومۇردا كاشىلا يۈز بېرىش خەتىرىنى ئاشۇرۇۋېتىدۇ. ئىسلىنىش يەنە يۈرەك كېسىلىنىڭ پەيدا بولۇش دەرىجىسىنى كۈچەيتىپ، قايتا قوزغىلىش ۋە ئۆلۈپ كېتىش خەتىرىنى ئاشۇرىدۇ.

بىر تۈرلۈك يېڭى تەتقىقات نەتىجىسىدە كۆرسىتىلىشىچە، تاجسىمان يۈرەك كېسىلى بىمارلىرى يېمەك-ئىچمەككە دېققەت قىلغاندىن سىرت، ئەڭ ياخشىسى تاماكا ۋە ھاراقنى تاشلىشى كېرەك ئىكەن. مۇتەخەسىسىلەر مۇنۇلارنى بىلدۈردى، تاجىسىمان يۈرەك كېسىلى بىمارلىرى ھاراق ئىچسە بولمايدۇ، ئادەتتىمۇ قاتتىق كونترول قىلىشى كېرەك. قارىسىغا ھەتتا بولۇشىغا ھاراق ئىچكەندە، ئاسانلا كېسەللىك ئەھۋالىنى ناچارلىشىپ، بىمارنىڭ تۇرمۇش سۈپىتىگە زىيان يەتكۈزىدۇ. بىر قېتىمدا بەك كۆپ ھاراق ئىچكەندە، بىمارنىڭ يۈرەك بېسىمى ئېشىپ، يۈرەك مۇسكۇلىغا زىيان يېتىدۇ، شۇنداقلا يۈرەك رېتىمى قالايمىقانلىشىشىنىڭ پەيدا بولۇش خەتىرىنى ئاشۇرىدۇ.

ئۇنىڭدىن سىرت، ھاراق ئىچكەندە ئاسانلا قاندىكى ماي ماددىسىنىڭ تەڭپۇڭلىقىغا تەسىر يېتىپ، تاجىسىمان ئارتېرىيە كېسەللىكىنى ئېغىرلىتىدۇ. نۇرغۇن كىشىلەرگە مەلۇمكى، تاجىسىمان يۈرەك كېسىلىنىڭ قوزغىلىشى ئارتېرىيە بوتقىسىمان قېتىشىش بىلەن مۇناسىۋەتلىك، ئارتېرىيە بوتقىسىمان قېتىشىشىنىڭ شەكىللىنىشى ئۇزۇنغا سوزۇلغان جەريان، بىمارنىڭ ناچار تۇرمۇش ئادىتى، ياغ تەركىبى يۇقىرى يىمەكلىكلەرنى يىيىش ، تاماكا چېكىش، ھاراق ئىچىش قاتارلىقلارنىڭ ھەممىسى ئارتېرىيە بوتقىسىمان قېتىشىش كېسەللىك تەرەققىياتىنى تېزلىتىپ، تاجىسىمان يۈرەك كېسىلىنى داۋالاش ئۈنىمىگە تەسىر يۈتكۈزىدۇ. مۇتەخەسىسلەرنىڭ ئېيتىشىچە، تاجىسىمان يۈرەك كېسىلى بىمارلىرى ئەڭ ياخشىسى تاماكا ۋە ھاراقنى تاشلىشى، شۇنداقلا داۋالاش ئۇسۇلى چوقۇم ئېنىق دېئاگنوز ئاساسىدا يۈرگۈزىلىشى لازىمكەن.

تاجىسىمان يۈرەك كېكسىلىگە گىرىپتار بولغانلىقىدىن گۇمانلانغان كىشىلەر، ئاكتىپ ھالدا ئېلېكترو كاردىئوگرامما، ئۇلترا ئاۋازلىق يۈرەك ھەرىكىتى دىئاگرامما تەكشۈرىشى شۇنداقلا باشقا تەكشۈرۈشلەرنى قىلدۇرۇشى، ناۋادا نورمالسىزلىق كۆرۈنسە، ئىچكىرىلىگەن قەدەمدە تاجىسىمان تومۇر رادىئوگرافىيەسى قىلدۇرۇشى لازىمكەن.تاجىسىمان تومۇر رادىئوگرافىيەسى تاجىسىمان يۈرەك كېسىلىگە دېئاگنوز قويۇشتىكى بىر خىل كۆپ كۆرىلىدىغان ئۈنۈملۈك ئۇسۇل بولۇپ، بۇ نىسبەتەن بىخەتەر ۋە ئىشەنچىلىك بولغان دېئاگنوز قويۇش تېخنىكىسى، ئۇ تاجىسىمان يۈرەك كېسىلىگە دېئاگنوز قويۇشتىكى "ئالتۇن ئۆلچەم" دەپ قارىلىپ كەلگەن.

ئىسلىنىش دېگەندە ئىككى خىل ئىسنىڭ تەسىرىگە ئۇچراشنى كۆرسىتىدۇ ، بىر خىلى ، تاماكا چەككۈچى چىقارغان ئىس بولۇپ ، ئاساسىي ئىس دەپ ئاتىلىدۇ ، يەنە بىر خىلى ، تاماكا كۆيگەندە پەيدا بولغان ئىس بولۇپ قوشۇمچە ئىس دەپ ئاتىلىدۇ . تاماكا چەكمىگەن كىشى قايسى خىل ئىسنى سۈمۈرۈشىدىن قەتئىينەزەر ئىسلانغۇچى بولۇپ ھېسابلىنىدۇ . تاماكا چېكىش تاماكا چەككۈچىگە زىيانلىق بولۇپلا قالماستىن باشقىلارغىمۇ زىيانلىق . ئىسلىنىش نۇرغۇن ساغلام كىشىلەرنى تۈرلۈك كېسەللەرگە مۇپتىلا قىلىدۇ. ئىسلانغاندا قۇرامىغا يەتكەنلەرنىڭ يۈرەك قان تومۇر كېسەللىرى، راك، نەپەس يولى كېسەللىرىگە گىرىپتار بولۇش نىسبىتى يۇقىرىلايدۇ؛ بالىلاردا زىققا كۈچىيىپ، ئۆپكە ياللۇغى، ئوتتۇرا قۇلاق ياللۇغى پەيدا بولىدۇ؛ بولۇپمۇ ھامىلىدار ئاياللار، ياش – ئۆسمۈرلەر تەسۋىرلىگۈسىز زىيانغا ئۇچرايدۇ.

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى :LEGLEK