تېكنود تېخنىكا خەۋەرلىرى تورىنىڭ فېۋرالدىكى بىر ئانالىز خەۋىرىدە كۆرسىتىلىشىچە 2014-يىلى جۇڭگونىڭ كۆچمە سۇپىلاردىكى ئويۇن ساھەسىنىڭ يىللىق ئومۇمىي كىرىمى 27 مىليارد 500 مىڭ يۈەن خەلق پۇلى (تەخمىنەن تۆت مىليارد 400 مىليۇن ئامېرىكا دوللىرى) غا يەتكەن بولۇپ، ئالدىنقى يىلدىكىگە قارىغاندا 145 پىرسەنت ئاشقان. مەزكۇر نەتىجە خەلقئارا ئىقتىسادىي ئانالىز شىركەتلىرىدىن GPC, CNG ۋە IDC قاتارلىقلارنىڭ ئورتاق ئانالىز دوكلاتىدىن كەلگەن بولۇپ مەزكۇر دوكلاتلاردا يەنە كۆرسىتىلىشىچە كۆچمە ئويۇن ساھەسىدىكى بۇ تېز سۈرئەتلىك ئېشىش نىسبىتىدە كۆچمە سۇپىلاردىكى ئويۇن تېرمىناللىرىدىكى ئېشىش 45 پىرسەنت، تور نۇسخىدىكى ئويۇنلارنىڭ ئېشىشى بولسا 136 پىرسەنت بولغان.

بۇنىڭغا نىسبەتەن كۆچمە سۇپىلاردا يېڭىدىن قوشۇلغان ئويۇن ئوينىغۇچىلارنىڭ سانى 2014-يىلى ئالدىنقى يىلدىكىدىن پەقەت 15 پىرسەنت ئاشقان بولۇپ 358 مىليۇن كىشىگە يەتكەن. يېقىنقى ئون يىل ئىچىدە جۇڭگودا كۆچمە سۇپىلاردا ئويۇن ئوينىغۇچىلار سانى ئەڭ ئاشقان مەزگىل 2013-يىلى بولغان.