جاھان ئاگېنتلىقى 23-ئاپرېل خەۋىرى؛ لەگلەك تورى تەرجىمىسى: ئۇكرائىنىيەدە كان ئىشچىلىرى، مائاشنىڭ بېرىمەسلىكى ۋە كۆمۈر كانلىرىنىڭ تاقىلىشى سەۋەبىدىن پايتەخت كىيىۋدا نارازىلىق نامايىشى ئۆتكۈزدى. ئۇكرائىنىيەنىڭ بىر قانچە رايۇنلىرىدىكى كۆمۈر كانلاردا ئىشلەۋاتقان 3 مىڭدىن كۆپ كان ئىشچىسى، پايتەخىت كىيۋدا پرېزىدېنت ئىدارىسى، پارلامېنت ۋە مىنىستىرلار كومىتىتى بىناسى ئالدىدا توپلىشىپ، ھۆكۈمەتتىن كۆمۈر كانلىرىنى تاقىۋەتمەسلىككە چاقىرىق قىلدى. كان ئىشچىلىرى بىر قانچە ئايدىن بۇيان بېرىلمىگەن مائاشلىرىنىڭ بېرىلىشىنى تەلەپ قىلدى.
كان ئىشچىلىرى، دۆلەت خامچوتىدا كۆمۈر كانلىرىغا ئايرىلغان مەنبەنىڭ كۆپەيتىلىشىنى تەلەپ قىلىپ، بۇنىڭدىن باشقا ھۆكۈمەتنىڭ چەتئەلدىن كۆمۈر سېتىۋېلىش سىياسىتىنىمۇ ئەيبلىدى. كان ئىشچلىرى ھۆكۈمەتنىڭ ئۇلار بىلەن سۆھبەت ئۈستىلىدە ئولتۇرمىغان ئەھۋالدا نامايىش ھەرىكەتلىرىنى داۋاملاشتۇرىغانلىقىنى ئېيتتى.
كان ئىشچىلىرىنىڭ نامايىش ھەرىكەتلىرىدىن كېيىن ئۇكرائىنىيە باش مىنىستىرى ئارسېنىي ياتسىنيۇك، ئىنىرگىيە ۋە كۆمۈر سانائىتى مىنىستىرى ۋىلادىمىز دەمچىشىنغا ئەڭ قىسقا مۇددەتتە كان ئىشچلىرىنىڭ مائاشلىرىنى بېرىش ھەققىدە تەلىمات بەردى.
مىنىستىرلار كومىتىتى تەشۋىقات ئىشخانىسىدىن ئېلان قىلىنغان باياناتتا، ھۆكۈمەتنىڭ كان ئىشچىلىرىنىڭ توپلىشىپ قالغان قەرزلىرىنىڭ تۆلىنىشى ئۈچۈن يېقىندا دۆلەت مالىيەسىدىن 400 مىليون ئاجراتقانلىقىنى ۋە بۇنىڭ 300 مىليونىنىڭ ئۆتكەن ھەپتە كان باشقۇرۇش ئىدارىسىغا يوللانغانلىقى تىلغا ئېلىندى.