پۇتىيەن شەھەرلىك ئوتتۇرا خەلق سوت مەھكىمىسى بۈگۈن چۈشتىن كېيىن 22 يىلى بۇرۇنقى بۇلاڭچىلىق دېلوسىدىكى شۈ يۈسىن، شۈ جىنلۇڭ، جاڭ مېيلەي، سەي جىنسىن قاتارلىق تۆت كىشىگە قايتا سوت ئاچقان، ھەمدە بۇ تۆت نەپەر جىنايەت گۇماندارىنى گۇناھسىز دەپ ئېلان قىلغان.

         ئىگىلىنىشىچە، بۇ دېلوغا قايتا قاراپ چىقىش بۈگۈن چۈشتىن بۇرۇن سائەت سەككىز يېرىمدا باشلانغان بولۇپ، قايتا قاراپ چىقىش جەريانىدا، ۋاكالەتچى ئادۋوكات ئەسلىي ھۆكۈمدىكى جىنايەت دەلىل-ئىسپاتلىرىنى قايتا بايان قىلغان، ھەمدە ئىلتىماس قىلغان ئالاقىدارلار دېلو سادىر قىلىش ۋاقتى ۋە شەرتىنى ھازىرلىمىغان، شۇنداقلا مۇھىم گۇۋاھچى سوتقا قاتنىشىپ گۇۋاھلىق بېرەلمىگەن، تۆت يېرىم سائەت قاراپ چىقىش ئارقىلىق چۈشتىن كېيىن سائەت 12 دىن 30 مىنۇت ئۆتكەندە سوت مەھكىمىسى سوتنىڭ توختىتىپ تۇرۇلىدىغانلىقىنى ئېلان قىلغان ۋە كېڭەشمە سوت ئېچىپ دېلو مىساللىرىنى فۇجىيەن ئۆلكىلىك يۇقىرى سوت مەھكىمىسى سوت ھەيئىتىنىڭ مۇزاكىرە قىلىشىغا سۇنغان، چۈشتىن كېيىن سائەت تۆتتىن ئاشقاندا پۇتىيەن شەھەرلىك ئوتتۇرا خەلق سوت مەھكىمىسى داۋاملىق سوت ئاچقان، ھەمدە قايتا سوت قىلىش ھۆكۈمىنى ئېلان قىلىپ، بۇ تۆت نەپەر جىنايەت گۇماندارىنى گۇناھسىز دېگەن ھۆكۈمنى چىقارغان.

     ئادۋوكاتىنىڭ تونۇشتۇرۇشىچە، تۆت نەپەر دەۋالاشقۇچىلار ئالاقىدار رەسمىيەتلەرنى بېجىرىپ بولغاندىن كېيىن، تۈرمىدىن چىقىپ ئائىلىسىدىكىلەر بىلەن جەم بولۇپ چاغان ئۆتكۈزىدۇ، شۇ سوتنىڭ ئۆزىدە ھۆكۈم ئېلان قىلىش ئارقىلىق سوت مەھكىمىسىنىڭ دەۋالاشقۇچىلار ۋە ئۇلارنىڭ ئائىلە تاۋابىئاتلىرىغا بولغان ئىنسانىي غەمخورلىقى ھېسابلىنىدۇ.

     ئىگىلىنىشىچە، بۇمۇ يېقىنقى يىللاردىن بۇيان كىشلەرنىڭ دىققىتىنى تارتقان يېڭىباشتىن سوت قىلغان دېلو مىساللىرىنىڭ بىرى بولۇپ ھېسابلىنىدىكەن.