بۇرۇن چارچاش سۆزىنى جىسمانى جەھەتتىن ھېرىپ - چارچاشقا ئىشلىتەتتۇق . بۈگۈنكى ئۆگۈنۈش ، خىزمەت ، تۇرمۇش رېتىمى ئۈزلۈكسىز تېزلىشىۋاتقان دەۋىردە بولسا ، ئادەملەر جىسمانى جەھەتتىن ئەمەس ، بەلكى پىسخىكىلىق جەھەتتىن چارچاپ قالىدىغان بولدى . بۇنىڭ بىلەن پىسخىكىلىق چارچاش " يۇشۇرۇن قاتىل " سۈپىتىدە ئادەملەرنىڭ ھاياتىغا تەسىر كۆرسەتمەكتە . ئەلۋەتتە ، بۇ خىل چارچاشنى تۈگىتىش ئۈچۈن ، پىسخىكىمزنى ئاسراپ ۋە ئۇنى تەڭشىشىمىزگە توغرا كىلىدۇ .

سىز چارچىدىڭىزمۇ ؟ ئۆزىڭىزنى سىناپ بېقىڭ .

ئادەملەر چارچىغاندا سىگنال بېرىدۇ ، بۇ سىگنال ئارقىلىق چارچىغان ياكى چارچىمىغانلىقنى ئۆلچەپ چىققىلى بولىدۇ . مۇتەخەسسىسلەر ئۆزىنى سىناش ئۈچۈن تۈۋەندىكى 20 خىل ئەھۋالنى ئوتتۇرغا قويۇپ بەردى . قايسى نوقتا سىزدە مەۋجوت بولسا " توغرا " بەلگىنى قويۇڭ .

1- ئەتتىگىنى ھورۇنلۇق قىلىپ ، ئورنىڭىزدىن تۇرغۇڭىز كەلمەمدۇ .

2- ئاپتۇبوس كەلسە يۈگۈرىپ چىققۇڭىز كەلمەيدۇ .

3- پەلەمپەيگە چىققاندا پۇتىڭىزنى ئاران يۆتكەيسىز .

4- رەھبىرىڭىز ياكى تونىمايدىغان ئادەملەر بىلەن كۆرىشىشنى خالىمايسىز .

5- ماقالە يازغاندا ياكى دوكلات بەرگەندە ، داۋاملىق خاتالىق كۆرىلىدۇ .

6- گەپ قىلغاندا ئاۋازىڭىز ئىنچىكە ھەم قىسقا .

7- باشقىلار بىلەن پاراڭلىشىشنى خالىمايسىز .

8- داۋاملىق خىيال سۈرۈپ ئولتۇرۇپ قالىسىز .

9- كۆپ چاي ئىچىسىز .

10- مايلىق نەرسىلەرنى يىگۈڭىز كەلمەيدۇ .

11- لازا سېلىپ تاماق يېيىشنى ياخشى كۆرىسىز .

12-قول - پۇتلىرىڭىز قېتىپ قالغاندەك ھېس قىلىسىز .

13- كۆزىڭىزنى ئاچالماي قالىسىز .

14- داۋاملىق ئەسنەيسىز .

15-يېقىن دوستىڭىزنىڭ تېلفون نۇمىرىنى ئەسلىيەلمەيسىز .

16- پۇتىڭىزنى جوزىنىڭ ئاستىغا سۇنۇپ ئولتۇرغىڭىز كېلىدۇ .

17- ھاراق ، تاماكىغا ئالاھىدە ئامراق .

18- سەۋەپسىز سەمرىپ ياكا ئورۇقلاپ كەتتىڭىز .

19- ئوڭايلا ئىچىڭىز سۈرۈپ قالىدۇ ، ياكى قېتىپ قالىدۇ .

20- ئۇيقىڭىز كېلىدۇ ، بىراق كارىۋاتقا چىقسىڭىز ئۇخلىيالمايسىز .

يۇقىرىدىكى ئەھۋاللارنىڭ 2 سى بولسا ، يەڭگىل دەرىجىلىك چارچاش مەۋجوت بولىدۇ ؛ 4 سى بولغان بولسا ، ئوتتۇرھال دەرىجىلىك چارچاش بولىدۇ ؛ ئەگەر 6 سىدىن يۇقىرى بولغان بولسا ، ئېغىر دەرىجىلىك چارچاش بولۇپ ، چوقۇم ئۆزىڭىزگە كۆڭۈل بۆلىشىڭىز كېرەك .

سىز قايسى خىلدىكى ھاردۇق يېتىشكە كىرىسىز .

ھاردۇق يېتىشنىڭ سەۋەبى كۆپ بولۇپ ، ئاساسلىق جىسمانى جەھەتتىن چارچاش ، مىڭىسى چارچاش ، پىسخىكىلىق چارچاش ۋە ئونۋىرسال چارچاش قاتارلىقلار بار .