ئەنگىليە ھەركۈنلۈك پوچتا گېزىتى ›› نىڭ 5-ئاينىڭ 7-كۈنى خەۋەر قىلشىچە، روسىيەنىڭ باشكورتوستان جۇمھۇرىيتىدە بىر ئولتۇراق بىناغا ئوت كىتىپ ئەھۋال بەك خەتەرلىك بولغان.ئىككى بالسىنىڭ ھاياتىنى قۇتۇلدۇرۇپ قېلىش ئۈچۈن ئانا مىلا ئاكساكوۋا ئۇلارنى دېرىزدىن تاشلىۋەتكەن،بەخىتكە يارىشا قوشنىلار تەرپىدىن يوتقان كىرلىكى ئارقىلىق تۇتۋېلىنغان. 

بىخەتەرلىك چىقىش ئېغزى ئېتىلىپ قالغانلىق تۈپەيلى 36ياشلىق ئاكساكوۋا ئامالسىز دېرىزە ئەينىكنى چېقىپ 4 ياشلىق ۋانىيا بىلەن 13 ياشلىق ناتالىيانى 4-قەۋەتتىن تاشلىۋىتىپ ئۇلارنىڭ ئوت دېڭزى ئىچىگە غەرىق بۇلۇپ كىتشىدىن ساقلانغان.

قارشى تەرەپتىكى بىنادا ئولتۇرۇشلۇق كۆرگۈچىنىڭ ئەينى ۋاقىتتا تارتىۋالغان سىن كۆرنۈشىدە كۆرسىتلشىچە،بالىلار يەرگە چۈشكەن ۋاقىتتا پەستىكى قوشىنىلار ئاللىقاچان يوتقان كىرلىكلىرنى ئۇلاپ تەييارلىق ھالىتىدە تۇرغان ئىكەن. شۇنىڭ بىلەن قۇتقۇزۇش غەلبىلىك بۇلۇپ ئىككى بالا ئامان -ئىسەن قالغان.

كارۋات كىرلىكنىڭ ئۆز ئېغىرلىقىغا بەرداشلىق بىرەلمەسلىكدىن ئەنسىرەپ بۇ ئۈمۈدسىزلەنگەن ئانا دېرىزىدىن سەكرىمگەن.

ئۇ ئوت ئۆچۈرۈش ئەترىتنىڭ كېلىپ ئۆزىنى قۇتقۇزۇپ چىقشىنى ساقلاپ ئاخىردا ئىس-تۈتەك ئارىسدا ھوشۇدىن كەتكەن.بىراق ئاكساكوۋا بەك تەلەيلىك بۇلۇپ ئەڭ ئاخىردا يەنىلا ئوت ئۆچۈرۈش ئەترىتى تەرپىدىن بىخەتەر قۇتقۇزۇپ چىقىلغان.

شۇ يەرلىك قۇتقۇزۇش خادىملىرنىڭ دىيشىچە:‹‹ ئوت ئاپتى بىرىنجى قەۋەتتىكى بىر مېيىپ ئايالنىڭ ئۆيىدىن باشلانغان ئىكەن. ھازىر يەنە باشقا  سەۋەبلەر تېخى ئېنىق ئەمەس بۇلۇپ جىددى تەكشۈرۈلمەكتە ئىكەن. ئاكساكوۋا بىر ئائىلە كىشىلىرى ئۈچۈن ئېيتقاندا ئۇلار ئوت كەتكەنلىكنى بايقىغان ۋاقىتتا ئاللىقاچان قېچىشقا مۇمكىنچىلىك قالمىغان ، ئۇلار ئامالسىز دېرىزە ئارقىلىق قاچقان.

ئىگەللىنشىچە بۇ تۇرالغۇغا ئوت كەتكەندىن كىيىن 140 تىن ئارتۇق ئاھالە تارقاقلاشتۇرۇلغان.