يېقىنقى يىللاردىن بۇيان راك كېسىلى، ياشانغانلاردىكى دېۋەڭلىك كېسىلى، بۇغۇم ياللۇغى، يۈرەك كېسىلى، كۆرۈش ئىقتىدارى توسالغۇغا ئۇچراش ۋە باشقا كېسەللىكلەرگە گىرىپتار بولغانلار كۆپىيىۋاتىدۇ، مۇتەخەسسىسلەر بۇنىڭغا تۇرمۇشىمىزدا كۆپىيىپ قالغان سولياۋ قۇتىنىڭ سەۋەب بولغىنىغا ئىشىنىپ قېلىۋاتىدۇ، چۈنكى ئۇلار سولياۋ قۇتا تەركىبىدە بار زەھەرلىك ماددىلارنىڭ ساغلاملىققا ئېغىر زىيان سالىدىغانلىقىنى بايقىدى.
مۇتەخەسسىسلەر مۇنداق دېيىشتى: «سولياۋ تەركىبىدىكى قوش فېنول A ئىممۇنىتېت بىلەن ھورمۇننىڭ تەڭشىلىشىگە سەلبىي تەسىر كۆرسىتىپ، پەرزەنت كۆرۈش ئىقتىدارىغا بىۋاستە توسالغۇ بولىدۇ. بۇنىڭدىن باشقا، سولياۋ تەركىبىدە بار يەنە بىر خىل زىيانلىق ماددا ئادەم بەدىنىدىكى غول ھۈجەيرىنى ياغ ھۈجەيرىسىگە ئايلاندۇرۇۋېتىدۇ، بۇنىڭ بىلەن خىمىيەلىك ماددا مېتابولىزمغا تەسىر يېتىپ، يامان كېسەللىكلەر پەيدا بولىدۇ».