12-ئاينىڭ 17-كۈنى، ئامېرىكا فېدېراتسىيە زاپاس پۇل كومېتىتى ئۆسۈم ئۆستۈرۈشنى ئېلان قىلدى، جۇڭگو بانكا ئارىسىدىكى تاشقى پېرۋوت سودا مەركىزىدە بازار ئېچىلغاندىن كېيىن، قىرغاقتىكى خەلق پۇلى (CNY) ۋە خەلقئارا مەبلەغ سالغۇچىلار سودىسىدىن شەكىللەنگەن شىياڭگاڭ قارشى قىرغاق خەلق پۇلى (CNH) نىڭ قىممىتى تېز سۈرئەتتە چۈشۈپ كەتتى.

      قىرغاقتىكى خەلق پۇلىنىڭ پېرۋوت نىسبىتى بازار ئېچىلىپ %0.13 چۈشۈپ، 6.4818 گىچە چۈشتى، كېيىن ئازراق تەۋرەندى. مۇخبىر خەۋەر ئېلان قىلغانغا قەدەر، خەلق پۇلى 6.4802 نۇقتىدا يېپىلىپ، قىممىتى چۈشۈش دائىرىسى %0.11 بولدى.

      شۇ كۈنى، قىرغاقتىكى خەلق پۇلى بازار ئېچىلغاندىن كېيىن، قارشى قىرغاق خەلق پۇلى CNH دىمۇ قىممىتى چۈشۈش يۈزلىنىشى كۆرۈلدى.     مۇخبىر خەۋەر ئېلان قىلغانغا قەدەر، دوللارنى خەلق پۇلىغا ئالماشتۇرۇش نىسبىتى 6.5402 دە يېپىلدى، خەلق پۇلىنىڭ قىممىتى %0.25 چۈشۈپ كەتتى.