‹‹شۈنفېي لوڭقىسى ›› شىنجاڭ 2-نۆۋەتلىك ئىستۇدېنتلار ‹‹قوش تىل›› ئىقتىدار مۇسابىقىسىنىڭ مۇكاپاتلاش كېچىلىكى 10-دېكابىر چۈشتىن كېيىن شىنجاڭ سەنئەت ئىنىستىتۇتى زالىدا ئۆتكۈزۈلدى

تەڭرىتاغ تورى خەۋىرى : ‹‹شۈنفېي لوڭقىسى›› شىنجاڭ 2-نۆۋەتلىك ئىستۇدېنتلار ‹‹قوش تىل›› ئىقتىدار مۇسابىقىسىنىڭ مۇكاپاتلاش كېچىلىكى 10-دېكابىر چۈشتىن كېيىن شىنجاڭ سەنئەت ئىنىستىتۇتى زالىدا ئۆتكۈزۈلدى . ئابدۇرېھىم مەتتۇرسۇن ، گۈلنىگار شۆھرەت ، ئەن دوڭ قاتارلىق 18 نەپەر ماھىر مىللىيچە ئوقۇغان مىللىيلار ، خەنزۇچە ئوقۇغان مىللىيلار ، ئانا تىلدا ئوقۇغانلار گۇرۇپپىسى بويىچە ئايرىم-ئايرىم ھالدا 1-، 2-، 3-دەرىجىلىك مۇكاپاتقا ئېرىشتى . تەڭرىتاغ تورى پائالىيەتنى نەق مەيداندىن بىۋاسىتە تارقاتتى .

ئاپتونوم رايونلۇق پارتكوم دائىمىي كومىتېتىنىڭ ئەزاسى ئەركىنجان تۇراخۇن ، ئاپتونوم رايونلۇق خەلق قۇرۇلتىيى دائىمىي كومىتېتىنىڭ مۇئاۋىن مۇدىرى تىلىۋالدى ئابدۇرېشىت ، ئاپتونوم رايوننىڭ مۇئاۋىن رەئىسى تيەن ۋېن مۇكاپاتلاش مۇراسىمىغا قاتناشتى ھەمدە ماھىرلارغا مۇكاپات تارقىتىپ بەردى .

‹‹شۈنفېي لوڭقىسى›› شىنجاڭ 2-نۆۋەتلىك ئىستۇدېنتلار ‹‹قوش تىل›› ئىقتىدار مۇسابىقىسى ئاپتونوم رايونلۇق پارتكوم ، خەلق ھۆكۈمىتىنىڭ تەستىقلىشى بىلەن ئۆتكۈزۈلگەن بولۇپ ، ئاپتونوم رايوننىڭ بۇ يىلقى ‹‹ قوش تىل ›› مائارىپىنى ئىلگىرى سۈرۈشتىكى بىر تۈرلۈك مۇھىم خىزمەتلىرىنىڭ بىرى . مۇسابىقىنى ئاپتونوم رايونلۇق مائارىپ نازارىتى ، ئاپتونوم رايونلۇق مەنىۋى مەدەنىيلىككە يېتەكچىلىك قىلىش ئىشخانىسى، ئاپتونوم رايونلۇق مىللەتلەر تىل-يېزىق خىزمىتى كومىتېتى بىرلىكتە ئۇيۇشتۇرغان ، شىنجاڭ مائارىپ تېلېۋىزىيە ئىستانسىسى ئۆتكۈزۈشنى ئۈستىگە ئالغان . كېدا ‹‹شۈنفېي›› پاي چەكلىك شىركىتى ئۆتكۈزۈشنى تەلەپ قىلغان .