فرانسىيە خەلقئارا رادىئو شىركتىنىڭ 6- يانۋاردىكى خەۋىرىدە ئېيتىلىشىچە، ئىران دىپلوماتىيە مىنىستىرى زەرىف شۇ كۈنى مۇنۇلارنى بىلدۈرگەن: سەئۇدى ئەرەبىستان ئۇزۇندىن بۇيان ئىراننىڭ ئوتتۇرا شەرق ۋە باشقا رايونلاردىكى جىددىي ۋەزىيەتنى پەسەيتىش ئۈچۈن تىرىشچانلىق كۆرسىتىشىگە توسقۇنلۇق قىلىپ كەلدى، ئۇلار بۇ خىل ھەرىكىتىنى توختىتىشى كېرەك. زەرىف يەنە ئىراق دىپلوماتىيە مىنىستىرى جەففار بىلەن تېھرندا بىرلىكتە ئاچقان مۇخبىرلارنى كۈتىۋېلىش يىغىنىدا: ئۆتكەنكى ئىككى يىلدىن بۇيان سەئۇدى ئەرەبسىتان دىپلوماتىيە جەھەتتە ئىزچىل ئىرانغا قارشى تۇردى، دېگەن.

    خەۋەرلەردە ئېيتىلىشىچە، زەرىف يەنە مۇنداق دېگەن: سەئۇدى ئەرەبسىتان رايون ۋەزىيىتىنى كۈنسايىن جىددىيلەشتۈرىۋەتتى، ئەمما ئىران ۋەزىيەتنى پەسەيتىش ئۈچۈن تىرىشچانلىق كۆرسىتىۋاتىدۇ، جىددىيلىك پەيدا قىلىش كۈچلۈك بولغانلىقىنىڭ ئىپادىسى بولماستىن بەلكى ئاجىزلىقنىڭ ئىپادىسى. جىددىي ۋەزىيەت پەيدا قىلىدىغان بۇ خىل ئىشلارنى توختىتىش كېرەك. ئىران ئەزەلدىن جىددىي ۋەزىيەت پەيدا قىلىشنى ئويلاپ باقمىدى، بەلكى ئىزچىل ئۆز-ئارا ھەرىكەتكە كېلىش ۋە سۆزلىشى سىياسىتىنى قوللىنىۋاتىدۇ. ئىران ھۆكۈمىتى سەئۇدى ئەرەبسىتان ئەلچىخانىسىغا ھۇجۇم قىلىش ھەرىكىتىنى ئەيبلەيدۇ، بۇ پۈتۈنلەي يولسىز ھەرىكەت.