2014 – يىللىق يىپەك يولى خەلقئارا يېمەكلىك كۆرگەزمىسى ۋە سودا يىغىنى ھەمدە 4 – نۆۋەتلىك جۇڭگو مۇسۇلمانچە تائاملار مەدەنىيەت بايرىمى (قىسقارتىپ يېمەكلىك كۆرگەزمىسى ۋە سودا يىغىنى) نىڭ ئېچىلىشىغا يەنە بەش كۈن قالدى. 18 – ئۆكتەبىر مۇخبىر شىنجاڭ خەلقئارا كۆرگەزمە مەركىزىگە بېرىپ، شەھەر ئاھالىلىرى ئۈچۈن تائام بايرىمىدىكى يارقىن نۇقتىلارنى ئىگىلىدى.

يېمەكلىك كۆرگەزمىسى ۋە سودا يىغىنىنىڭ دەرىجىسى ئۆستۈرۈلدى

18 – ئۆكتەبىرگىچە، 26 دۆلەت ۋە رايوندىكى 153 كارخانا كۆرگەزمىگە قاتنىشىدىغانلىقىنى بىلدۈرۈپ، كۆرگەزمە ئورنىدىن 234 نى ئالدىن زاكاز قىلغان بولۇپ، بۇ ئەسلىدىكى بېكىتىلگەن چېگرا سىرتىدىكى كارخانىلارغا بېرىلىدىغان 150 كۆرگەزمە ئورنىدىن ئېشىپ كەتكەن.

بۇ 26 دۆلەت: مالايشىيا، قازاقىستان، تۈركىيە، ئۇكرائىنا، كامبودژا، فىرانسىيە، ئەزەربەيجان، كورىيە، ئاۋسترالىيە، ئۆزبېكىستان، يېڭى زېلاندىيە، سەئۇدى ئەرەبىستان، گىروزىيە، تايلاند، ئامېرىكا، قىرغىزىستان، لائۇس، ئىتالىيە، شىۋېتسارىيە، مولدوۋا، سىرلانكا، پاكىستان، موڭغۇلىيە، سېنگاپور، گېرمانىيە ۋە تەيۋەن رايونىدىن ئىبارەت.

بۇ نۆۋەتلىك يېمەكلىك كۆرگەزمىسى ۋە سودا يىغىنى ئاساسلىقى ‹‹سودىنى نامايان قىلىش، كەسىپلەرنى تۇتاشتۇرۇش، مۇنبەر ئۇچرىشىشى، خەلقئارالىق ئالاقە، ساياھەت تونۇشتۇرۇش، باھالاش، يۈرۈشلەشكەن پائالىيەت›› تىن ئىبارەت 7 بۆلەككە بۆلۈنگەن. كۆرگەزمە مەزگىلىدە، ‹‹يىپەك يولى تائام مەدەنىيىتى . ئۈرۈمچى مۇنبىرى››، ‹‹2014 – يىللىق يىپەك يولى خەلقئارا يېمەكلىك كۆرگەزمىسى ۋە سودا يىغىنى ھەمدە 4 – نۆۋەتلىك جۇڭگو مۇسۇلمانچە تائاملار مەدەنىيەت بايرىمى كېلىشىم ئىمزالاش مۇراسىمى››، ‹‹يىپەك يولى يېمەكلىك كەسىپلىرى بىرلەشمىسى›› ئارقىلىق ‹‹يىپەك يولى يېمەكلىك كەسىپلىرى تەرەققىيات مۇنبىرى›› ۋە پائالىيەت باشلىنىپ، دۆلەت ئىچى ۋە سىرتىدىكى كارخانىلار سودىسى ئىلگىرى سۈرۈلىدۇ.

8 تۈز جىننېس دۇنيا رېكورتىغا ئىلتىماس سۇنىدۇ

بۇ نۆۋەتلىك يېمەكلىك كۆرگەزمە ۋە سودا يىغىنىدا 8 تۈر دۇنيا جىننېس رېكورتىغا ئىلتىماس قىلىنىدۇ.

يېمەكلىك كۆرگەزمە ۋە سودا يىغىنىنى شىنجاڭ ئالاھىدە يېمەك – ئىچمەك كەسپى تەرەققىياتى رەھبەرلىك گۇرۇپپىسى، شىنجاڭ ئۇيغۇر ئاپتونوم رايونلۇق سودا نازارىتى، ئۈرۈمچى شەھەرلىك خەلق ھۆكۈمىتى، جۇڭگو ئاشپەزلىك جەمئىيىتى، جۇڭگو قوشۇمچە يېمەكلىكلەر ئوبوروتى جەمئىيىتى بىرلىكتە باش بولۇپ ئۇيۇشتۇرغان.