گوئاردىئاۋلانىڭ ئىنگىلانىد بىرلەشمىسىگە بېرىشى ئۇ ئاشكارلىمىغان تەقدىردىمۇ كىشىلەرگە نىسبەتەن بۇ ھېچقانداق مەخپىيەتلىك ھىساپلانمايتى .

       گوئاردىئاۋلا ئىنگلاند بىرلەشمىسىدىن باشقا نەگە بارىدۇ؟ بەش چوڭ بىرلەشمە ئىچىدە گوئاردىئاۋلاغا ئەڭ مۇۋاپىق كېلىدىغىنى ئىنگلاند بىرلەشمىسى. چۈنكى ئىنگلاند بىرلەشمىسىدە پۇل بار. رىقابەت كەسكىن. يەنە بىرگە تاراتقۇلارنىڭ ئەڭ دىققەت قىلىدىغان نۇقتىسىغا ئايلىنالايدۇ.

     پۇتبول سەھنىسىدە بۇرۇن بىر قىسىم مەشقاۋۇللار نۇرغۇنلىغان زەردار كۇلۇبلارنىڭ قارشى ئېلىشىغا ئېرىشىپ، شۇ مەشقاۋۇلغا ئېرىشىش ئۈچۈن كوماندىلار ھېچقانداق بەدەل تۆلەشتىن يانمىغان. مەسىلەن : خەلقئارا مىلان كوماندىسىنىڭ مەشقاۋۇلى ھىررىرا. مۇداپىئە ۋە ھۇجۇمغا تەڭلا ئەھمىيەت بېرىدىغان پۇتبول ئەندىزىسىنى ياراتقۇچى مىشېرىس، لىۋىرپول كۇلۇبىنى ئۆز ۋاقتىدا ياۋروپادىكى بىرىنچى ئورۇندىكى كوماندىغا ئايلاندۇرغان پېسىلىي. مىلاننى گۈللەندۈرگەن ساچچى. نەگىلا بارسۇن چېمپىيونلۇقنى قولغا كەلتۈرەلەيدىغان كاپىرو، كىرويىف ، لېكىن بۇلارنىڭ ھېچقايسى گوئاردىئاۋلادەك قارشى ئېلىشقا ئېرىشىپ باقمىغان. پەقەت گوئاردىئاۋلا قوشۇلسىلا باشقىلار ئۇنىڭ ئۈچۈن ئورۇن بوشىتىدۇ. كەلگۈسىنى تەسەۋۋۇر قىلىپ باقايلى. ئون يىلدىن كىيىن مورىنھو ۋە گوئاردىئاۋلا قاتارلىق مەشقاۋۇللار مەشقاۋۇللۇق ھاياتىنى ئاخىرلاشتۇرغاندىن كېيىن بىر يەرگە جەم بولۇپ زەردار كۇلۇبلارنىڭ ئۆزىنى قانداق ئۇسۇلدا قانداق قوغلاشقانلىقىنى دېيىشىپ پاراڭغا چۈشكەندە چوقۇم ئۇلارنىڭ ھەممىسى گوئاردىئاۋلانىڭ ۋاسىتىسىنىڭ ئاقىلانە ۋە تەلىيىنىڭ ئوڭ ئىكەنلىكىنى ماختىشىدۇ.

يەتتە يىل بۇرۇن بارسېلونا كۇلۇبىغا مەشقاۋۇل بولغاندىن باشلاپ گوئاردىئاۋلا بارسېلونا كوماندىسىنى كىرىزىس ئىچىدىن قۇتۇلدۇرۇپلا قالماستىن يەنە بارسېلونانى 21- ئەسىردىكى ئەڭ ياخشى كۇلۇبقا ئايلاندۇردى. گوئاردىئاۋلادىكى ئىقتىدار، خاراكتېر، نەزەرىيە ۋە نەتىجە بار بولغان مەشقاۋۇللار ئىنتايىن ئاز ئۇچرايدۇ ياكى ئۇچرىماسلىقىمۇ مۇمكىن. چېلىسى، قوشماق مانچېستېرلارنىڭ  ھەممىسى گوئاردىئاۋلانىڭ كېيىنكى بېكىتى بولۇپ قىلىشى مۇمكىن. باشقا زەردار كۇلۇب ياكى كۇلۇبلارنىڭ ئۇنى تالاشماسلىقىدىكى تۈپ سەۋەب ئۇلار پۇل چىقىرالمايدۇ. مائاش مەسىلىسى گوئاردىئاۋلاغا نىسبەتەن ئىككىنچى مەسىلە، چۈنكى ئۇ كۆپ مىقداردا پۇل خەجلەش ئارقىلىق ئۆزىنىڭ سەپ شەكلىنى قۇرۇپ چىقىشقا موھتاج. گوئاردىئاۋلانىڭ مىجەزىدىن قىلىپ ئېيتقاندا گەرچە كۇلۇبنىڭ پۇلى بولغان تەقدىردىمۇ گوئاردىئاۋلا شۇ كۇلۇبنى ياراتمىسا ئۇ يەنىلا شۇ كۇلۇبقا بارمايدۇ.

گوئاردىئاۋلانىڭ بۈگۈنكى نەتىجىلىرى ھەرگىزمۇ ئۇنىڭ پۇرسەتپەرەسلىكىدىن بولغان ئەمەس. ئۇ ئۆزىدىن بۇرۇنقىلار ئېرىشىپ باقمىغان نەتىجىلەرگە ئېرىشتى. ئۆزىدىن بۇرۇنقىلار يېشەلمىگەن قىيىن مەسىلىلەرنى يەشتى. شۇ سەۋەبلىك ئۇ دۇنيادىكى داڭلىق مەشقاۋۇللار قاتاردىن ئورۇن ئالدى.

گوئاردىئاۋلا رىجىكارد، كىرويىف، ۋانگال قاتارلىقلارغا قارىغاندا تەلەيلىك، چۈنكى ئۇ يېتەكلىگەن بارسېلونا كوماندىسى ياراتقان نەتىجىلەرنى ھېچكىم يارىتىپ باقمىدى. ئۇ پۇتبول ساھەسىدىكىلەرنىڭ كۆزىنى ئاچتى. ھۇجۇمچىسىز سەپ شەكلى بىلەن  توپ كونترول قىلىشنى ۋايىغا يەتكۈزۈپ بىر كوللېكتىپتا پەقەت بىرلا يادرو بولىدۇ دەيدىغان كونا كۆز قاراشلارغا خاتىمە بەردى.

ئەنگلىيەلىكلەر «دۆلەت مۇھەببىتى»نى تەكىتلەشكە ئامراق، باشقىلارنىڭ دۆلىتى بىلەن ھېسابلىشىپ ئولتۇرمايدۇ. بىراق گوئاردىئاۋلا ئۇلارنىڭ ئۈچ خىل كۆز قارىشىنى ئۆزگەرتتى. گوئادرىئاۋلا مەيلى چېلىسى ياكى قوشماق مانچېستېر كوماندىلىرىغا بارسۇن چېىمپىيونلۇق پەقەت ئالدىنقى شەرت. ئەنگلىيەلىكلەر گوئاردىئاۋلا ئۆزىنىڭ دەرىجىدىن تاشقىرى توپ كونترول قىلىش ئۇسلۇبىنى قايتا نامايان قىلىشىنى ئۈمىد قىلىدۇ.

     ئىنگلاند بىرلەشمىسى بەلكىم ئەڭ ئالقىشقا ئېرىشىدىغان  بىرلەشمە بولماسلىقى مۇمكىن. لېكىن ئىنگلاند بىرلەشمىسى قىيىنلىق دەرىجىسى ئەڭ يۇقىرى بولغان بىرلەشمە.

     ئىنگلاند بىرلەشمىسىدە قىشىلىق ئارام يوق، شۇڭلاشقا نۇرغۇنلىغان چەتئەللىك مەشقاۋۇللار بۇنىڭدىن ۋايسايدۇ. كىلوپ لىۋىرپولغا كېلىپ ئۇزاق ئۆتمەيلا بەيرېن كوماندىسىمۇ مۇداپىئە قىلالمايدىغان ئالدى مەيداندىكى قىستاپ توپ تالىشىش ئۇسلۇبنى بايقىدى. ئىنگلاند بىرلەشمىسىدە تۆلەيدىغان بەدەللەر يۇقىرى، بىرلەشمە لوڭقىسىنىڭ يېرىم ھەل قىلغۇچ مۇسابىقىسىنىڭ تۇنجى ئايلانمىسى ئەمدىلا ئاخىرلىشىپ ئۇزاق ئۆتمەي لىۋىرپول كوماندىسىدىكى يارىدارلار سانىغا يەنە ئۈچ ئادەم قوشۇلدى. پۈتۈن كوماندىدا تۆت ئادەم پەي ياكى مۇسكۇل سوزۇلۇش سەۋەبىدىن ئۇزاق مۇددەت ئارام ئېلىشقا موھتاج.

ئىنگلاند بىرلەشمىسىدە تېخنىكىدىن باشقا كۈچ، تەن قۇۋۋەتلەردە بەسلىشىدۇ، تېخنىكىسى ياخشى بولسىلا غەلىبە قىلىشى ناتايىن. بۇ ئەھۋاللار ئىسپانىيە ۋە گېرمانىيە بىرلەشمىلىرىدە ئاز ئۇچرايدۇ. ئاجىز كوماندىلار قانچە كۈچلۈك كوماندىغا يولۇقسا ئۆزىنىڭ ئىقتىدارىنى شۇنچە يۇقىرى چەكتە جارى قىلدۇرىدۇ. ئىنگلاند بىرلەشمىدە پۇل كۆپ، لېكىن زور مىقداردىكى ئىگىلىك ھوقۇقى كوماندىلار ئارىسىدىكى كۈچلۈك ئاجىزلىق پەرقىنى تەڭلەشتۈرگەن. بارسېلونا كوماندىسى بىلەن بەيرېن كوماندىسى كىمنى ئەكېلىشنى خالىسا شۇنى ئەكىلەلەيدۇ. لېكىن ئىنگلاند بىرلەشمىسىدە ئۇنداق بولۇشى مۇمكىن ئەمەس. ئەمەلىي ئىقتىدارى كۈچلۈك بولمىغان توپچىلارغا ئېرىشەلمىگەن ئەھۋال ئاستىدا كوماندىدا ئەسلىدىنلا بار بولغان پۇتبولچىلاردىن پايدىلىنىپ چېمپىيونلۇققا قولغا كەلتۈرۈش ياكى كەلتۈرەلمەسلىكى بۇ مەشقاۋۇلنىڭ ئىقتىدارىنى باھالايدىغان ئۆلچەملەرنىڭ بىرى.

     ئىنگلاند تاراتقۇلىرىنىڭ كۆپتۈرۈپ تارقىتىش، يالغاندىن ئۇيدۇرما قىلىپ تارقىتىش ئۇسۇلى دۇنيا بويىچە ئەڭ ئالدىنقى قاتاردا تۇرىدۇ. بارسېلونا كوماندىسىدىكى چاغدا مادرىد تاراتقۇلىرى خانلىق مادرىد كوماندىسىنىڭ ئىناۋىتىنى، كاتولونىيە تاراتقۇلىرى بولسا بارسېلونا كوماندىسىنىڭ ئىناۋىتىنى قوغدايتتى. بەيرېن كوماندىسىدا بولسا گوئاردىئاۋلانى ئەيىبلەش سادالىرى پەقەت ئۇ بەيرېن كوماندىسىنىڭ ئەنئەنىسىنى بۇزغانلىقىدىن ئىبارەت بىر نۇقتىغىلا مەركەزلىشىپ قالغان ئىدى. لېكىن ئىنگلاند بىرلەشمىسى ئوخشىمايدۇ. مورىنھو، ۋانگال قاتارلىق مەشقاۋۇللارمۇ تاراتقۇلارنىڭ تارقاتقان خەۋەرلىرىنىڭ نەتىجىسىدە توپ مەستانىلىرى تەرىپىدىن قاتتىق ئەيىبلەنگەن ۋە ئۇلارنىڭ مەغلۇبىيىتىنى پۈتۈن دۇنيا بىلىپ كەتكەن ئىدى. تاراتقۇلار گوئاردىئاۋلانىڭ كېلىشىنى ۋە ئۇ ھەقتىكى خەۋەرلەرنى تارقىتىشقا ئاللىبۇرۇن تەييارلىنىپ بولدى.