11-ئاپرېل چۈشتىن بۇرۇن، ساياھەتچىلەر شىنجاڭ كورلا شەھىرىدە چېچەك سەيلىسى قىلماقتا
يېقىنقى كۈنلەردىن بۇيان، شىنجاڭنىڭ كۆپ جايلىرىدا چېچەك سەيلىسى ئاساسىي تېما قىلىنغان باھار سەيلىسى پائالىيىتى ئەۋج ئېلىپ، چېچەك سەيلىسى باھار پەسلىدىكى ساياھەتچىلىكنىڭ يارقىن نۇقتىسىغا ئايلاندى.
تېمپېراتۇرىنىڭ ئۆرلىشىگە ئەگىشىپ، شىنجاڭ كورلا شەھىرىدىكى 80 مىڭ مودىن ئارتۇق كۆلەمدىكى نەشپۈتلۈك، توقسۇن ناھىيەسىدىكى 10 مىڭ مو كۆلەمدىكى ئۆرۈكلۈك ۋە ئىلىنىڭ ياۋا ئۆرۈكلۈك بېغى قاتارلىق مېۋىلىك باغلار گۈزەل باھار پەسلىدە كىشىنى مەپتۇن قىلىدىغان رومانتىك چېچەك پەسلىگە قەدەم قويدى. ھەر يىلى ئاپرېلدا شىنجاڭنىڭ ھەر قايسى جايلىرى رەڭدار چېچەكلەر بىلەن قاپلىنىپ، كىشىنى باھار پەسلىدىكى گۈزەل ھېس تۇيغۇغا چۆمدۈرۈپ، تەبىئەتنىڭ گۈزەللىكىنى ھەقىقىي ھېس قىلدۇرىدۇ.