2016-يىلى 13-يانۋار سائەت 15:00 ئەتراپىدا، جامائەت خەۋپسىزلىكى ۋېيياڭ شۆبىسى دامىڭگۇڭ ساقچىخانىسى چارلاش ساقچىلىرى تەۋەلىكىنى چارلاش جەريانىدا بىر قارا رەڭلىك دالا ئاپتوموبىلىنىڭ سىگنال سىمىنى چىقىرىپ قويغانلىقىنى، ماشىنىدىكى ئەرنىڭ قىلمىشىنىڭ گۇمانلىق ئىكەنلىكىنى بايقاپ تەكشۈرۈش نەتىجىسىدە ماشىنىدا ئىمتىھاندا ساختىلىق قىلىش ئۈچۈن ئىشلىتىلىدىغان «سىگنال تارقاتقۇ» دىن ئۈچنى، سۆزلىشىش ئۈسكۈنىسىدىن ئۈچنى، يانفوندىن يەتتە تال ۋە بىر قانچە بانكا كارتىسىنى قولغا چۈشۈرگەن.

       تەكشۈرۈش نەتىجىسىدە، جىنايەت گۇماندارى مېڭ X بۇ يىل 33 ياشقا كىرگەن بولۇپ، 2014-يىلى ئوقۇغۇچىلارنىڭ ئىمتىھاندا ساختىلىق قىلىشىغا ياردەم قىلىش نامىدا قاختى-سوقتى قىلىش جىنايىتى بىلەن توردا تۇتۇش بۇيرۇقى چىقىرىلغان قاچقۇنلىقى ئاشكارىلاندى. مېڭ X ئالىي مەكتەپنى پۈتتۈرگەندىن كېيىن ئىزچىل ئىشسىز بولۇپ، 2013-يىلىدىن باشلاپ ئۇ سىمسىز سىگنال تارقاتقۇدىن پايدىلىنىپ ئىمتىھاندا ساختىلىق قىلىش قىلمىشى بىلەن شۇغۇللىنىپ، مەملىكەتنىڭ خېنەن، شەنشى، گەنسۇ قاتارلىق كۆپ شەھەرلىرىدە ئوقۇغۇچىلارنىڭ ئىمتىھاندا ساختىلىق قىلىشىغا ياردەم بېرىپ مەنپەئەتكە ئېرىشىپ كەلگەن بولۇپ، بۇ دېلولارغا چېتىشلىق ئوقۇغۇچىلارنىڭ سانى 5000 دىن ئاشىدىكەن.

     2015-يىلى 12-ئايدا، مېڭ X توردا گەنسۇ ئۆلكىسىنىڭ مەلۇم جايدا كەسپي ئورگانلارنىڭ ئىشقا ئورۇنلىشىش ئىمتىھانى بارلىقىىدن خەۋەر تېپىپ گەنسۇغا يولغا چىقىشتىن بۇرۇن خېنەنلىك يۇرتدىشى ياڭ X بىلەن ئالاقىلاشقان. ئىككەيلەن ئاۋۋال شۇ جايغا يېتىپ كېلىپ تەشۋىقات ۋارىقىنى ھەر جايلارغا تارقاتقان، نەتىجىدە 16 نەپەر ئىمتىھانغا تىزىملاتقان كىشى مېڭ X بىلەن ھەمكارلىشىشنى خالايدىغانلىقىنى بىلدۈرۈپ ئىككى تەرەپ كېلىشىم ئىمزالىغان. سۈرەتتە مەزكۇر «كەسپ مۇلازىمىتى» نىڭ تەشۋىقات ۋارىقى.

      كېلىشىم ئىمزالانغاندىن كېيىن مېڭ X توردىن ئىمتىھاندا ساختىلىق قىلىشقا كېتىدىغان سىگنال قوبۇللىغۇچ، سىگنال تارقاتقۇ ىاتارلىق ئۈسكۈنىلەرنى سېتىۋالغان. 13-يانۋار ئىككەيلەن شىئەنگە قايتىپ كېلىپ سىگنالنى سىناش جەريانىدا خەلق ساقچىلىرىنىڭ قولىغا چۈشۈپ قالغان. سۈرەتتە جىنايەت گۇماندارى ئىجارە ئۆيىدىكى زور تۈركۈمدىكى جىنايەت سادىر قىلىش بۇيۇملىرى.