ياپونىيە gadget تور بېكىتىنىڭ 4 -مارتتىكى خەۋىرىگە قارىغاندا، يېقىندا omgtoplists.com تور بېكىتىدە پۈتۈن دۇنيا خەلقى ئەڭ ئەقىللىق 10 دۆلەتلەرنى باھالاپ چىققان بولۇپ، شۇنىڭ بىلەن بىر ۋاقىتتا، مەزكۇر تور بېكەتتە يەنە <دۇنيا بويىچە ئەڭ جەلىپكار دۆلەت>، < دۇنيا بويىچە ئەڭ خەتەرلىك ھەركەت> قاتارلىق ئاجايىپ-غارايىپ <ئەڭ> لەر باھالاپ چىقىلغانىكەن.

بۇ قېتىمقى باھالاشتا سايلاپ چىقىلغان دۇنيا بويىچە ئەڭ ئەقىللىق 10 چوڭ دۆلەتلەر رەت تەرتىپى:

1.ياپونىيە 2.كورىيە 3.ئامېرىكا 4.گېرمانىيە 5.سنگاپور 6.فېنلاندىيە 7.ئەنگىلىيە 8.كانادا 9.ئىسرائىلىيە 10.لىيۇكسىمبۇرگ ۋە شېۋىتسىيە

ئۇلارنىڭ بۇ خىل رەت تەرتىپنى تىزىپ چىقىشىدىكى ئاساسى بولسا، «ئىسرائىلىيىنىڭ تىل ئاۋىۋ شەھىرى ھازىر گۇگۇل شىركىتىنىڭ يېڭى ئىش بېجىرىش نۇقتىسى بولغاچقا، بۇ يەرنىڭ مائارىپى ئىنتايىن تەرەققىي قىلغانمىش. لىيۇكسىمبۇرگدا بىرەر تال داڭلىق ئۇنۋېرسىتىتمۇ يوق تۇرۇپ، ئۇلارنىڭ مائارىپى شۇنداق ياخشىمىش. فېنلاندىيىنىڭ بۇ تىزىملىككە كىرگۈزۈلۈشىنىڭ سەۋەبى بولسا بۇ دۆلەتتە Linux نىڭ ئاتىسى- Linus Torvalds شۇنداقلا نوكىيا شىركىتىنىڭ مەۋجۇت بولغانلىقىمىش، سىنگاپور بولسا ھازىرقى IT سودا سۇپىسى بولغانلىقى ئۈچۈنمىش».

ئادەمنىڭ دىققىتىنى قوزغايدىغىنى شۇكى، ياپونىيىنىڭ بۇ رەت تەرتىپتە 1-ئورۇننى ئىگەللىشىنىڭ سەۋەبى بولسا < بۇ دۆلەتنىڭ تېخنىكىسى، مەدەنىيىتى، تەبىئەتنىڭ تەڭپۇڭلۇقى، شۇنداقلا زامانىۋى ئىلغار قوراللارغا ئىگە بولغانلىقى، شۇنداقلا ئەڭ ئىلغار بولغان ئالەمنى تەكشۈرۈش ئۈسكۈنىسىگە ئىگە بولغانلىقى> دىنمىش.

« ياپونىيىنىڭ ئەڭ ئەقىللىق دۆلەت» بولۇپ باھالىنىشىدىن ئىبارەت بۇ خەۋەرگە نىسبەتەن بەزى ياپونلۇقلار پەخىرلىنەرلىك ئىنكاسلاردا بولغان بولسا، يەنە بەزى ياپونلۇقلار ياپونىيە سىتۇدېنتلىرىنىڭ ئىقتىدارسىزلىقتا ئاسىيا قىتئەسى بويىچە بىرىنچى ئورۇندا تۇرىدىغانلىقىنى يېزىپ مەسخىرە ھەم كىنايە قىلىشقان.

‏لەگلەك تورى ئۈندىدار سالونىنى قوشىۋېلىڭ ـــــــــــــــــــ ئىزدەش نامى LEGLEK