يەر شارى خەۋەر تورى 2-ئاپرېل تېلىگراممىسى؛ لەگلەك تورى تەرجىمىسى: كېنىيەدە «ئەش شاباب» تەشكىلاتى قۇراللىقلىرى دۆلەتنىڭ شەرقى شىمالىدىكى گارىسسا بازىرىدىكى ئۇنىۋېرستىت ياتىقىغا ھۇجۇم قىلدى، كېنىيە ئىچكى ئىشلار مىنىستىرى جوزىف نىكايسىري، ئاز دىگەندە 70 ئوقۇغۇچىنىڭ ھاياتىدىن ئايرىلغانلىقىنى ، 500 دىن كۆپ ئوقۇغۇچى قۇتقۇزۋېلىنغانلىقىنى، 4 نەپەر قۇراللىقنىڭ ئېتىپ ئۆلتۈرۈلگەنلىكىنى ئېيتتى.
كېنىيە قىزىل كىرسىت جەمئىيتى، قۇراللىق ھۇجۇم قىلغۇچىلارنىڭ قولىدا ئەسىرلەرنىڭ بارلىقىنى ئەمما ئەسىر تۇتۇلىۋاتقان كىشىلەرنىڭ سانىنىڭ قانچە ئىكەنلىكىنى بىلمەيدىغانلىقىنى ئېيتتى.
سومالىدىكى ئەش شاباب تەشكىلاتى، 500 دىن كۆپ ئوقۇغۇچى بار بولغان ياتاقتىكى خىرىستىئانلارنى تۇتقۇن قىلغانلىقىنى ئېلان قىلدى، تەشكىلات، بۇ ھۇجۇمنىڭ سەۋەبىنى كېنىيەنىڭ سومالىدا ئەسكەر تۇرغۇزۇشى دەپ كۆرسەتتى.
ئەلقائىدە تەشكىلاتىغا ئالاقىدار تەشكىلاتنىڭ باياناتچىسى شەيىخ ئەلى مەھمۇد ، «كېنىيە سومالى بىلەن ئۇرۇش قىلىۋاتىدۇ، ۋەزىپىسى ئەش شابابقا قارشى ئۇرۇش قىلىش، ئادەملىرىمىز ئۇ يەردىكى كىشىلەرنىڭ بىر قىسىمىنى، مۇسۇلمانلارنى قۇيۇپ بەردى، قالغانلىرىنى ئەسىر قىلىپ تۇتىۋاتىمىز» دېدى.
ھۆكۈمەت باياناتچىسى جوزىف نىكايسىري، قۇراللىقلاردىن بىرىنىڭ قېچىشقا ئۇرۇنىۋاتقاندا قولغا چۈشكەنلىكىنى ئېيتتى.