25 – يانۋار ئۈرۈمچى شەھەرلىك شەھەر باشقۇرۇش كومىتېتى (مەمۇرىي قانۇن ئىجرا قىلىش ئىدارىسى) تېز سۈرئەتلىك يول باشقۇرۇش مەركىزىدىكى خادىمىنىڭ مۇخبىرغا ئېيتىپ بېرىشىچە، ئۇدا قار ياغقانلىقتىن، قار تازىلاش خىزمىتى داۋاملىق ئېلىپ بېرىلغان؛ چوڭ تىپتىكى ماشىنىلاردىن باشقا، پۈتۈن شەھەر بويىچە 20 مىڭدىن ئارتۇق تازىلىق ئىشچىسى يول تازىلاشقا ئاتلانغان.

مۇخبىرنىڭ ئىگىلىشىچە، ئۈرۈمچى شەھەرلىك شەھەر باشقۇرۇش كومىتېتىنىڭ رەھبەرلىرى ۋە ئالاقىدار باشقارما-ئىشخانىلار، بىۋاسىتە قاراشلىق ئورۇنلارنىڭ مەسئۇللىرى چارلاش گۇرۇپپىسى تەشكىللەپ، رايونلارغا بۆلۈنۈپ تەكشۈرۈش ئېلىپ بارغان؛ ئالاقىدار گۇرۇپپىلار ئاساسىي شەھەر رايونىدىكى يوللاردا يىغىلىپ قالغان قار ۋە مەشغۇلات ئەھۋالىنى ئومۇميۈزلۈك تەكشۈرگەن؛ شۇنىڭ بىلەن بىرگەن، ئالاقىدار خادىملار بىرلىكتە يولغا چىقىپ چارلاش ئېلىپ بارغان ھەمدە قاتناش ساقچىلىرىنىڭ قاتناشنى راۋانلاشتۇرۇشىغا ئاكتىپلىق بىلەن ماسلاشقان.