پۇتبول تورى خەۋىرى لەگلەك تورى تەرجىمىسى

بېيجىڭ ۋاقتى دۈشەنبە كېچە سائەت 0 دە خان مادرىد كۇلۇبى 2015-يىلىدىكى تۇنجى مەيدان مۇسابىقىسدە مېھمان بۇلۇپ ۋالۇنسىيا كۇلۇبى بىلەن ئۇچرىشىدۇ. « ئاس گېزىتى » نىڭ خەۋەر قىلىشىچە ۋالۇنسىيا كۇلۇبى مۇسابىقە باشلىنىشتىن بۇرۇن سەپكە تىزىلىپ دۇنيا كۇلۇبلار لوڭقىسىنى تالىشىش پۇتبول مۇسابىقىسىنىڭ چېمپىيۇنى خان مادرىد كۇلۇبىنى كۈتىۋالدىكەن.

« ئاس گېزىتى » : ۋالۇنسىيا كۇلۇبى سەپكە تىزىلىپ خان مادرىد كۇلۇبىنى كۈتۈۋالىدۇ.

2014-يىلىدىكى ئەڭ ئاخىرىقى رەسمىي مۇسابىقىدە خان مادرىد كۇلۇبى دۇنيا كۇلۇبلار لوڭقىسىنى تالىشىش پۇتبول مۇسابىقىسىنىڭ ھەل قىلغۇچ مۇسابىقىسىدە 2-0 نەتىجە بىلەن سان لورۇنسو كۇلۇبىنى مەغلۇپ قىلىپ دۇنيا كۇلۇبلار لوڭقىسىغا ئېرىشتى.ۋالۇنسىيا كۇلۇبى بىلەن خان مادرىد كۇلۇبى بىلەن بولغان مۇسابىقىسى خان مادرىد كۇلۇبىنىڭ دۇنيا كۇلۇبلار لوڭقىسىنى تالىشىش پۇتبول مۇسابىقىسىدىن كېيىنكى تۇنجى مەيدان مۇسابىقىسى. شۇنىڭ ئۈچۈن ۋالۇنسىيا كۇلۇبى مۇسابىقىدىن بۇرۇن سەپكە تىزىلىپ خان مادرىد كۇلۇبىغا بولغان ھۆرمىتىنى بىلدۈرمەكچى بولغان.

2011-يىلىمۇ ۋالۇنسىيا كۇلۇبىنىڭ مۇشۇنداق بىر قېتىملىق سەپكە تىزىلىپ ھۆرمەت بىلدۈرۈش ھەرىكىتى يۈز بار بولغان. خان مادرىد كۇلۇبى ئىسپانىيە شاھلىق لوڭقىسىنى تالىشىش پۇتبول مۇسابىقىسىنىڭ چېمپىيۇنلۇقىغا ئېرىشىپ ئۈچ كۈندىن كېيىن ۋالۇنسىيا كۇلۇبى بىلەن خان مادرىد كۇلۇبىنىڭ مۇسابىقىسى بار ئىدى. مۇسابىقىدىن ئىلگىرى ۋالۇنسىيا كۇلۇبى توپچىلىرى سەپكە تىزىلىپ خان مادرىد كۇلۇبىغا ھۆرمىتىنى بىلدۈرگەنىدى. بىراق مۇسابىقە جەريانىدا خان مادرىد كۇلۇبى ۋالۇنسىيا كۇلۇبىغا قىلچە يۈز خاتىرە قىلماستىن 6-3 نەتىجە بىلەن ۋالۇنسىيا كۇلۇبىنى مەغلۇپ قىلغانىدى.

2009-يىلى ۋە 2011-يىلى بارسېلونا كۇلۇبىمۇ دۇنيا كۇلۇبلار لڭڭقىسىنى تالىشىش پۇتبول مۇسابىقىسىنىڭ چېمپىيۇنلۇقىغا ئېرىشكەن. بىراق ئەينى چاغدىكى بارسېلونا كۇلۇبىنىڭ باش مەشقاۋۇلى گۇاردىئولا تاللىشى ئوخشاش بولمىغان. 2010-يىلى 1-ئاينىڭ 2-كۈنى بىليالار كۇلۇبى بارسېلونا كۇلۇبىنىڭ ساھىبخان مەيدانى نوكامپۇردتا ئۆزلۈكىدىن سەپكە تىزىلىپ بارسېلونا كۇلۇبىغا ھۆرمىتىنى بىلدۈرگەن. 2012-يىلى بارسېلونا كۇلۇبىنىڭ بىرىنچى مەيدان مۇسابىقىسى شاھلىق لوڭقىسىنى تالىشىش مۇسابىقىسىدە ئوسپىتالىت كۇلۇبى بىلەن ئۆتكۈزۈلەتتى. بىراق گۇاردىئولا مۇسابىقىدىن بۇرۇن ئۆزلىكىدىن رەقىبىنىڭ ئۆزلىرىگە ھۆرمەت بىلدۈرۈشىنى رەت قىلغان. « بىز ياپونىيەدە ئاللىقاچان ھۆرمەت بىلدۈرۈشكە ئېرىشىپ بولدۇق. بۇنداق مۇراسىملەرنىڭ قىلچە ئەھمىيىتى يوق. بىز يڭدۇق، ئىككى كۈن تەبرىكلىدۇق. ئەمدى بىزنىڭ يەە ئوينايدىغان يېڭى مۇسابىقىمىز بار.» ئەينى چاغدا گۇاردىئولا مۇشۇنداق ئىپادە بىلدۈرگەنىدى.

خان مادرىد كۇلۇبى بىلەن ۋالۇنسىيا كۇلۇبىنىڭ مۇسابىقىسىنىڭ باش رېپىرى مانسانو. خان مادرىد كۇلۇبىنىڭ باش مەشقاۋۇلى ئانچىلوتتىغا نىسبەتەن مانسانو ئامەت ئېلىپ كېلىدىغان رېپىر. مانسانو جەمئى ئالتە قېتىم ئانچىلوتتى مەشقاۋۇللۇقىدىكى خان مادرىد كۇلۇبىنىڭ مۇسابىقىسىگە رىپىرلىق قىلغان بۇلۇپ بۇ مۇسابىقىلەردە خان مادرىد كۇلۇبى بەش مەيدان ئۇتۇپ بىر مەيدان تەڭلەشكەن. بۇ مۇسابىقە پەسلىنىڭ تۇنجى قېتىملىق ئىسپانىيە دۆلەت دېربىسىدا مانسانو رىپىرلىق قىلغان. كىرىستىيانو رونالدو مانسانو بۇيرۇپ بەرگەن نۇقتا توپ بىلەن بارسېلونا كۇلۇبى بىلەن تەڭلەشكەن ۋە ئاخىرىدا بارسېلونا كۇلۇبىنى مەغلۇپ قىلغان.