سىنا تورى خەۋىرى:

AppleInsider قاتارلىق چەتئەل تاراتقۇلىرىنىڭ خەۋىرىگە قارىغاندا، ئالما شىركىتى ئامېرىكىدىكى تېلېگراف خەۋەرلىشىش كارخانىلىرى بىلەن بىللە يېڭى ئايفوننى ئالدىن زاكاز قىلغان خىرىدارلارغا ئۇقتۇرۇش يوللاپ، ئۇلار زاكاز قىلغان يانفوننىڭ ئالدىنقى ھەپتىنىڭ ئاخىرىدىن باشلاپ مال ئەۋەتىشنى باشلىغانلىقى، مۇشۇ ھەپتىنىڭ جۈمە كۈنى قولىغا تېگىدىغانلىقىنى ئېيتقان.

ئامېرىكىدىكى ئالما تور دۇكىنىدا، iPhone 6s ۋە 6s Plus قاتارلىقلار زاكاز قىلىنىپ نەچچە كۈن ئۆتكەندىن كىيىنلا «مال ئەۋەتىشكە تەييارلىنىش» باسقۇچىغا ئۆتكەن، خىرىدارلارنىڭ ئىنكاسىغا قارىغاندا، ئۇلار ئالما شىركىتى ئەۋەتكەن ئېلخەت يوللانمىسىنى تاپشۇرۇۋالغان بولۇپ، ئۇنىڭدا يانفوننىڭ ئاللىقاچان توشۇلۇش ئۈستىدە ئىكەنلىكى تىلغا ئېلىنغان.

ئالما شىركىتى iPhone 6s ۋە 6s Plus نى ئامېرىكىدا UPS ۋە فىدراتسىيە تېز يوللانمىسى قاتارلىق تېز يەتكۈزۈش شىركەتلىرى ئارقىلىق ئەۋەتىدىغان بولۇپ، 25-سېنتەبرگىچە خىرىدارلارنىڭ قولىغا تېگىپ بولۇشنى تەلەپ قىلغان. ئۆتكەن بىر قانچە يىل ئىچىدە، بىر قىسم تەلەيلىك خىرىدارلار تېخى مالنى بىر كۈن بۇرۇن تاپشۇرۇپ ئالغان.

iPhone 6s ۋە 6s Plus قاتارلىقلار 12-سېنتەبردىن باشلاپ زاكاز قوبۇل قىلىشنى باشلىغان، تۇنجى تۈركۈمدە ئامېرىكا، ئاۋستىرالىيە، كانادا، جۇڭگو، فىرانسىيە، گېرمانىيە، شىياڭگاڭ، ياپونىيە، يېڭى زېلاندىيە، سىنگاپور، پوئېرتو رىكو ۋە ئەنگىلىيە قاتارلىق دۆلەتلەر بازىرىغا كىرگۈزۈلگەن.

ئالما شىركىتى بۇ قېتىم مال ئەۋەتىشكە تولۇق تەييارلىق قىلغان، زاپاس مال سانى يېتەرلىك ئىكەن،  ئالما تور دۇكىنى iPhone 6s نى 2-3 ھەپتە ئىچىدە، 6s Plus نى بولسا 3-4 ھەپتە ئىچىدە ئەۋەتىدىغانلىقىنى ئۇقتۇرغان. شۇنىڭ بىلەن بىرگە، بىر قىسىم ئالما مەخسۇس سېتىش دۇكىنىدا يېڭى ئايفوننى 25-سېنتەبر كۈنى سېتىۋېلىشقا ئالدىن كېلىشىشكە بولىدىكەن.