فىرانسىيە «لې فىگارو گېزىتى» نىڭ 10-يانۋاردىكى خەۋىرىگە ئاساسلانغاندا، پولشا شۇ جاي ۋاقتى 9-يانۋار، پولشادىكى بىر قانچە شەھەرلەردە چوڭ كۆلەملىك نامايىش ئۆتكۈزۈلگەن. نۇرغۇنلىغان پولەكلەر كوچىغا چىقىپ كونسىرۋاتىپلار پارتىيە ھۆكۈمىتىنىڭ جامائەت ئاخبارات ۋاستىلىرىنى كونتىرول قىلىشىغا قارىتا ئېتىراز بىلدۈرگەن، ھەمدە بىۋاستە ئاخبارات ۋاستىسى مەسئۇلى تەيىنلەپ، ئاخبارات ۋاستىلىرىنى ئەركىنلىككە ئېرىشتۈرۈشنى مۇراجىئەت قىلغان.

      خەۋەرلەرگە ئاساسلانغاندا، پولشانىڭ پايتەختى ۋارشاۋادىكى نامايىشچىلار توپىنىڭ كەيپىياتى مۇلايىم بولۇپ، يۇمۇرلۇق لوزۇنكىلارنى كۆتۈرىۋېلىپ نامايىش قىلغان. لوزۇنكىدا قانۇن ۋە ئادىللىق پارتىيەنىڭ سىياسىتى مەسخىرە قىلىنغان، ھەمدە بىكار قىلىنىش ئالدىدا تۇرغان ئالاقىدار يۇقىرى قاتلاملىق ۋەزىپىدىكى جامائەت ئاخبارات ۋاستىلىرىنى قوللايدىغانلىقىنى بىلدۈرگەن. نامايىشچىلار يەنە قوللىرىدا پولشانىڭ دۆلەت بايرىقى ۋە ياۋروپا ئىتتىپاقنىڭ بايرىقىنى ئېگىز كۆتۈرىۋالغان ھالدا، يۇقىرى ئاۋازدا «ئەركىن ئاخبارات ۋاستىلىرى، ئەركىن پولشا»، «دېموكراتىك ئاخبارات ۋاستىلىرى»، «بۇ دېگەن ۋارشاۋا، بۇداپېشت ئەمەس»، «تەكشۈرۈشكە قارشى تۇرايلى»، «ئەركىن ئاخبارات ۋاستىلىرى بولسا خەلقنىڭ ساداسى، ھۆكۈمەتنىڭ ئەمەس» دېگەندەك شۇئارلارنى توۋلىغان.

       ۋارشاۋادىكى بۇ قېتىمقى نامايىشنى دېموكراتىك دۆلەت مۇداپىئە كومىتېتى (KOD) تەشكىللىگەن بولۇپ، پولشادىكى باشقا 20 نەچچە شەھەرلەردىمۇ مۇشۇنىڭغا ئوخشاش نامايىشلار ئۆتكۈزۈلگەن، ھەمدە بۇلارنىڭ ھەممىسى ئاخبارات ۋاستىلىرىنىڭ مۇستەقىللىقىنى قوغداشنى مەقسەت قىلغان. دېموكراتىك دۆلەت مۇداپىئە كومىتېتى بولسا بىر ياش ئەلئارا ھەرىكىتى تەشكىلات بولۇپ، 2015-يىلى 10-ئايدا قۇرۇلغان، يەنى پولشا قانۇنى ۋە ئادىللىق پارتىيە پارلامېنت سايلىمىنىڭ ئىككىنچى كۈنى غەلبە قىلغان. شۇندىن كېيىن، مەزكۇر كومىتېت ھەر ھەپتىنىڭ ئاخىرىدا نۇرغۇنلىغان كىشىلەردىن تەشكىل تاپقان نامايىشنى تەشكىللەپ كەلگەن.