سىچۈەن خەۋەر تورى خەۋىرى لەگلەك تورى تەرجىمىسى .ئامېرىكا ئارمىيەسى مەركىزىي قوماندانلىق شىتابى ئىجتىمائىي ئالاقە تور پونكىتىنىڭ تۋىتتېر ۋە يوۋتۇبى ئىسچوتلىرى شۇ يەر ۋاقتى 12-يانۋار، رادىكال تەشكىلات"ئىسلام خەلىپىلىكى" خاككېرلىرىنىڭ تاجاۋۇزىغا ئۇچىرىدى، مەركىزىي قوماندانلىق شىتاتىنىڭ تۋىتتېر ئىسچوتى تاقىۋېتىلدى.

شۇ يەر ۋاقتى 12-يانۋار چۈشتە، ئامېرىكا ئارمىيەسى مەركىزىي قوماندانلىق شىتابىنىڭ تۋىتتېر، يوۋتۇبى ئىسچوتلىرى ئىلگىرى-كېيىن بولۇپ "ئىسلام خەلىپىلىكى" دەپ ئاتالغان رادىكال تەشكىلاتنىڭ خاككېرلىرى تەرىپىدىن تاجاۋۇز قىلىندى، دەسلەپتە تۋىتتېر ئىسچوتىنىڭ باش سۈرىتى لىچەك چېگىۋالغان قۇراللىققا ئۆزگەرتىۋېتىلدى، ئارقا كۆرۈنىشىمۇ ئالماشتۇرۇلدى.
ئاندىن كېيىن خاككېرلار ئامېرىكا ئارمىيەسى يوقىرى قاتلاملىق قوماندانىنىڭ تېلېفون نومۇرى ۋە ئامېرىكا ئارمىيەسى ئائىلە تاۋابىئاتلىرىنىڭ تۇرالغۇ ئادرېسى قاتارلىق ئۇچۇرلارنى تارقاتتى ھەم ئامېرىكا ئەسكەرلىرىنى پەخەس بولۇشقا ئاگاھلاندۇردى. 40 مىنۇتتەك ۋاقىت ئۆتكەندىن كېيىن ئامېرىكا مەركىزىي قوماندانلىق شىتابىنىڭ تۋىتتېر ئىسچوتى ۋاقتىنچە توختىتىلدى.

خاككېرلار مەركىزىي قوماندانلىق شىتابىنىڭ يوۋتۇبې ئىسچوتى ئارقىلىق "ئىسلام خەلىپىلىكى" قۇراللىقلىرىنىڭ ھۇجۇم قوزغىغان ۋە پارتىلىتىش كۆرۈنىشىنى تارقاتتى.

خاككېرلارنىڭ تاجاۋۇز قىلىش ۋەقەسى ئامېرىكا دۆلەت مۇداپىئە مىنىسترلىقى تەرىپىدىن جەزىملەشتۈرۈلدى. ئامېرىكا دۆلەت مۇداپىئە مىنىسترلىقىنىڭ ئىسمىنى ئاشكارىلاشنى خالىمىغان بىر ئەمەلدارى، ئارمىيە دائىرلىرىنىڭ بۇ قېتىمقى خاككېرلار ھۇجۇم قىلىشىدىن كېلىپ چىققان ئاقىۋەتنى تەتقىق قىلىۋاتقانلىقى، نۆۋەتتە تورغا تارقىتىلغان ماتېرىئالدىن قارىغاندا، خاككېرلارنىڭ مەخبىي ھۆججەتكە ئېرىشەلمىگەنلىكىنى بىلدۈردى. ئۇ ئارمىيە دائىرلىرىنىڭ بۇ قېتىمقى خاككېرلار تاجاۋۇزىغا مۇۋاپىق تەدبىر بىلەن تاقابىل تۇرىدىغانلىقىنى ئېيتتى.
ئاقساراي باياناتچىسى ئېرنېست شۇ كۈنى، ئامېرىكا ھۆكۈمىتىنىڭ نۆۋەتتە بۇ ۋەقەنى تەكشۈرىۋاتقانلىقىنى بىلدۈردى.

لەگلەك تورى ئۈندىدار سالونىنى قۇشۇۋېلىڭ ،ئىزدەش نومۇرى :LEGLEK