رۇسىيە دۆلەتلىك تېررورلۇققا قارشى تۇرۇش كومىتېتى 6-ئۆكتەبىر، رۇسىيە بىخەتەرلىك قىسىمىنىڭ شۇ كۈنى شىمالىي كاۋكاز رايونىنىڭ داغىستان جۇمھۇرىيىتىدە زور تېررورلۇق ھۇجۇم قىلىش سۇيىقەستىنى مەغلۇپ قىلغانلىقىنى جاكارلىدى.

رۇسىيە بىخەتەرلىك قىسىمى شۇ كۈنى داغىستان جۇمھۇرىيىتىدىكى ئالاھىدە ھەرىكىتىدە قۇراللىق خادىمدىن بىرنى ئېتىپ تاشلىدى، بۇ كىشى شۇ يەردىكى بىر قانۇنسىز قۇراللىق گۇرۇھنىڭ پارتلىتىش ماھىرى ئىكەن. بىخەتەرلىك خادىملىرى ئۇنىڭ تۇرالغۇ جايىدىن 15 كىلوگراملىق پارتلىتىش دورا توڭىنى ئۆز ئىچىگە ئالغان 170 كىلو ئېغىرلىقتىكى پارتلىتىش بۇيۇمى بىلەن پارتلىتىش ئۈسكىنىلىرىنى تاپتى. ئۇندىن باشقا، بىخەتەرلىك خادىملىرى يەنە بۇ قۇراللىق خادىم تۇرۇشلۇق كەنتكە يېقىن جايدا بىر كىچىك ئاپتوموبىلىنى بايقىغان، بۇ ئاپتوموبىل ئۆزگەرتىپ قۇراشتۇرۇلغان بولۇپ، چوڭ كۆلەملىك پارتلىتىپ ھۇجۇم قىلىشقا ئىشلىتىدىكەن.

داغىستان جۇمھۇرىيىتى رۇسىيىنىڭ شىمالىي كاۋكاز فېدېراتسىيە رايونىدا بولۇپ، بۇ رايونىدىكى قانۇنسىز قۇراللىق ھەرىكەتلەر ئەۋج ئالغانلىقتىن، زوراۋانلىق ۋە تېررورلۇق ھۇجۇم قىلىش ۋەقەلىرى كۆپ يۈز بېرىپ تۇرىدۇ.