13-نۆۋەتلىك مەملىكەتلىك تەنھەرىكەت مۇسابىقىسى باشلىنىشقا ئالتە كۈن قالغاندا، تەڭرىتاغ تورىنىڭ مېھىرلىك پىدائىيلارغا ئەزا توپلاش پائالىيىتى قىزغىنلىق بىلەن داۋاملاشتى. تەڭرىتاغ تورى كۆپچىلىكنى مېھىرلىك پىدائىيلار ئەترىتىگە ئەزا بولۇشقا چاقىرىق قىلىپ، 13-نۆۋەتلىك مەملىكەتلىك تەنھەرىكەت مۇسابىقىسىگە ياردەم بەرمەكچى بولدى. خەۋەر تارقىلىپ ئۇزۇن ئۆتمەي ئۈرۈمچى شەھەرلىك 50-ئوتتۇرا مەكتەپنىڭ باشلانغۇچ ئۇقۇتۇش رايونىدىكى 1400 نەپەر ئوقۇغۇچى ۋە ئۇلارنىڭ ئاتا-ئانىلىرى تەڭرىتاغ تورىنىڭ مېھىرلىك پىدائىيلار ئەترىتىگە ئەزا بولدى.

      باشلانغۇچ مەكتەپ ئوقۇغۇچىلىرى تەڭرىتاغ تورى مېھىرلىك پىدائىيلار دېگەن بەلگىنى مەيدىسىگە چاپلاپ بىردەك «مەن مېھىرلىك پىدائىي، قىشلىق تەنھەرىكەت مۇسابىقىسىنىڭ تېخىمۇ ياخشى ئۆتكۈزۈلۈشىگە تىلەكداشمەن»، دېدى.

     4-يىللىق 3-سىنىپ ئوقۇغۇچىسى شۈ شەننىڭ ئاتا-ئانىسى شۈ چيەن مۇنداق دېدى: «شىنجاڭلىق تەنتەربىيە ھەۋەسكارى بولۇش سۈپىتىم بىلەن، مەملىكەتلىك تەنھەرىكەت مۇسابىقىسىنىڭ شىنجاڭدا ئۆتكۈزۈلىدىغانلىقىنى ئاڭلاپ ناھايىتى خۇشال بولدۇم، ھەمدە تەڭرىتاغ تورىنىڭ مېھىرلىك پىدائىيلار ئەترىتىگە ئەزا بولدۇم. مەن تەنھەرىكەت مۇسابىقىسىنىڭ ئوڭۇشلۇق ئۆتكۈزۈلۈشىگە ئەلا مۇلازىمەت قىلىپ، ئۈرۈمچى شەھىرىنىڭ مەملىكەتلىك مەدەنىيەتلىك شەھەر بولۇپ چىقىشىغا تۆھپە قوشىمەن».