رېيتىر ئاگېنتلىقى 12-مارت خەۋىرى؛ لەگلەك تورى تەرجىمىسى: ئامېرىكىدا قارا تەنلىك بىر ياش ساقچى تەرىپىدىن ئۆلتۈرۈلگەندىن كېيىن دۆلەت مىقياسىدا كېڭەيگەن قارشىلىق نامايىشلىرىنىڭ باشلىنىش نوقتىسى بولغان Ferguson رايۇنىدا 2 ساقچى تاياق يىدى.

     18 ياشلىق قارا تەنلىك ياش Michael Brown نىڭ ساقچى تەرىپىدىن ئۆلتۈرۈلۈشىدىن كېيىن نارازىلىق نامايىشلىرىنىڭ باشلىنىش نوقتىسى بولغان ئامېرىكا مىسسۇرى شىتاتىغا قاراشلىق Ferguson رايۇنىدا، كىچە ۋاقىتىدا ساقچى مەركىزىنىڭ ئالدىدىكى ئىككى ساقچى ئۇرۇلدى ۋە يارىلاندى. ساقچىلارنىڭ بىرى دۈمبىسىدىن يەنە بىرى بولسا يۈزىدىن ئۇرۇلدى. ئۇلارنىڭ سالامەتلىك ئەھۋالى تېخىچە ئېنىق ئەمەس.

   چارشەنبە كۈنى ئاخىشىمى رايۇندىكى ساقچى باشلىقى توماس جېكسوننىڭ ۋەزىپىسىدىن ئىستىپا بېرىشىنى تەلەپ قىلىپ توپلانغان بىر بۆلۈك كىشىلەر ساقچىخانا ئ‍الدىدا نامايىش ئۆتكۈزدى. ساقچىلارغا ھۇجۇم قىلغۇچىلار ، بۈگۈن ئەتتىگەن سەھەردە بۇ قالايمىقانچلىقتىن پايدىلىنىپ ئىككى ساقچىنى ئۇرۇپ قېچىپ كەتتى.
نارازىلىق نامايىشى باشلىنىپ بىر قانچە سائەتتىن كېيىن ساقچى باشلىقى توماس جېكسون ۋەزىپىسىدىن ئىستىپا بەردى.

دۆلەت مىقياسىدىكى نامايىشلار

   قورالسىز Michael Brown ئىسىملىك ياش 9-ئاۋغۇستتا Darren Wilson ئىسىملىك ساقچى تەرىپىدىن ئۆلتۈرۈلگەن ئىدى.

   نامايىشچىلار قارا تەنلىكلەر كۆپ سانلىق بولغان Ferguson رايۇنىدا ۋە پۈتۈن ئامېرىكىدا ساقچىلارنىڭ قارا تەنلىكلەرگە قارىتا قاتتىقلىق مۇئامىلىسى قىلىۋاتقانلىقىنى ئەيىبلىدى. ئامېرىكا ئەدلىيە مىنىستىرلىكى، بۇنىڭغا ئوخشاش ۋەقەلەردە ساقچىلارنى ئىرىقچلىق قىلغان دەپ قاتتىق ئەيىبلىدى.

   بۇنىڭ ئۈستىگە بەزى خادىملار ئىستىپا بەرسىمۇ ئوبامانى ئۆز ئىچىگە ئالغان ئامېرىكا ھۆكۈمىتى ساقچى تەشكىلاتلىرىنى ئەيىبلەيدىغان گەپ-سۆزلەرنى قىلىشتىن قېچىۋاتىدۇ ۋە بۇنداق ۋەقەلەردە تەكشۈرۈشنىڭ كېيىنچە داۋاغا ئايىلىنىشىغا رۇخسەت قىلىنمايدۇ. ئامېرىكىدا كېڭەيگەن نامايىشلار ئوخشاش ۋەقەلەر يۈز بەرگەنلىكىدىن 9-ئاۋغۇستتىن بېرى پات-پات داۋاملىشىۋاتىدۇ.

    Ferguson دا نۇپۇسى كۆپ سانلىق قارا تەنلىكلەرنى تەشكىل قىلغان بولسىمۇ ، ساقچىخانىلاردا ئىشلەيدىغان پەقەت بىر قانچە قارا تەنلىكلا بار.