يېقىندا بېيجىڭ شەھەرلىك مائارىپ ئىدارىسى ۋە مائارىپ كومىتېتى بىرلىكتە « 2014- يىلى بېيجىڭ شەھەر ئاھالىلىرىنىڭ بەدەن سۈپىتىنى تەكشۈرۈش دوكلاتى »نى ئېلان قىلغان. تەكشۈرۈش نەتىجىسىدىن ئايان بولۇشىچە، 2014- يىلى بېيجىڭ شەھىرىدە بەدەن سۈپىتىنىڭ ئۆلچەمگە يېتىش نىسبىتى %89.2 بولغان بولۇپ، 2010- يىلدىكى بىلەن سېلىشتۇرغاندا كىشىلەرنىڭ بەدەن سۈپىتى سەل ئۆسكەن، ئەمما شەھەر-بازاردىكى ئەرلەرنىڭ بەدەن سۈپىتىدە تۆۋەنلەش كۆرۈلگەن. بۇنىڭ ئىچىدە شەھەر بازارلاردا ياشايدىغان 20~39 ياش ئارىلىقىدىكى ئەرلەرنىڭ بەدەن سۈپىتىدە زور دەرىجىدە تۆۋەنلەش كۆرۈلگەن؛ قورامىغا يەتكەنلەر، ياشانغانلار ئىچىدە بەدەن ئېغىرلىقى ئېشىپ كەتكەن ۋە سېمىزلەرنىڭ نىسبىتى سەل ئۆرلىگەن. كۆرۈش قوۋىتى تۆۋەنلەش، سېمىزلىك ۋە چىشىنى قۇرۇت يىيىش يەنىلا بېيجىڭ شەھىرىدىكى ئوقۇغۇچىلارنىڭ تەن سالامەتلىكىدىكى ئۈچ چوڭ مەسىلە بولۇپ قالغان. بۇنىڭ ئىچىدە 2014- يىلى باشلانغۇچنىڭ 1- يىللىقىدا ئوقۇۋاتقان ئوقۇغۇچىلاردا كۆرۈش قۇۋىتى ئاجىزلاش مەسىلىسىنىڭ %30.9 كە يەتكەنلىكى تەكشۈرۈپ ئېنىقلانغان بولۇپ، كۆرۈش قۇۋىتى ئاجىزلىغان ئوقۇغۇچىلارنىڭ نىسبىتى 2012- يىلدىكىدىن 5.28 پىرسەنت پوئىنت ئاشقان.