ئەنگلىيە ‹‹كۈندىلىك تېلېگراف گېزىتى››نىڭ 10-ئىيۇلدىكى خەۋىرىگە قارىغاندا، 17 ياشلىق تۈركىيەلىك ئۆسمۈر قىز Rumeysa Gelgi يېقىندا 2.136 مېتىرلىق بوي ئېگىزلىكى بىلەن رەسمىي تۈردە جىننېس دۇنيا رېكورتىغا كىرگۈزۈلۈپ، ‹‹دۇنيادىكى ئەڭ ئېگىز ئۆسمۈر›› بولۇپ قالغان. بىراق، ئۇنىڭ بوي ئېگىزلىكى ئۇنىڭ تەبىئىي يېتىلىشىدىن ئەمەس، بەلكى گېنلارنىڭ توساتتىن ئۆزگىرىشىدىن بولغان.

ئۆلچەشلەرگە قارىغاندا، بۇ قىزنىڭ قول ئالقىنىنىڭ ئۇزۇنلۇقى 24.5 سانتىمېتىر، پۇت ئالقىنىنىڭ ئۇزۇنلۇقى 30.5 سانتىمېتىر بولۇپ، ئالاھىدە ياسالغان ياردەمچى ئۈسكۈنىلەر ئارقىلىق يول ماڭىدىكەن. ئۇنىڭ قېرىنداشلىرىنىڭ بوي ئېگىزلىكى نورمال ئىكەن. ئۇ داۋالاشنى قوبۇل قىلغاندىن كېيىن، بويى داۋاملىق تۈردە ئۆسمىگەچكە، بۇ جەھەتتە بوي ئېگىزلىكى 2.51 مېتىر كېلىدىغان ‹‹دۇنيادىكى ئەڭ ئېگىز ئادەم›› تۈركىيەلىك سۇلتان كۈسەندىن ئېشىپ كېتەلمەيدىكەن.