ئۈرۈمچىدە 7-دېكابىر كېچىدىن باشلاپ 8-دېكابىر كېچىگىچە قاتتىق قار يېغىپ ، شەھەر رايونىنىڭ قاتنىشىغا كۆپ ئاۋارىچىلىقلارنى ئېلىپ كەلدى ، گەرچە يوللاردا قىستاڭچىلىق كۆرۈلسىمۇ ، ئادەتتىكى ۋاقىتلارغا سېلىشتۇرغاندا قاتناش ۋەقەلىرى كۆپ يۈز بەرمىدى .

8-دېكابىر مۇخبىرنىڭ ئۈرۈمچى شەھەرلىك جامائەت خەۋپسىزلىكى ئىدارىسى قاتناش ساقچى تارماق ئەترىتىدىن ئىگىلىشىچە ، 8-دېكابىر ئۈرۈمچى شەھىرىنىڭ قاتناش ئومۇمىي ئەھۋالى ياخشى بولغان ، جەمئىي 158 قېتىم قاتناش ھادىسىسى يۈز بەرگەن . قاتناش ئەھۋالى ياخشى بولۇشنىڭ ئاساسلىق سەۋەبى ئۆز تېخنىكىسىغا ئانچە ئىشەنچ قىلالمىغان ۋە ئاپتوموبىل ئەھۋالى ياخشى بولمىغان شوپۇرلار ئاپتوموبىل ھەيدىمىگەن ، شۇنىڭ بىلەن بىر ۋاقىتتا ، ھاۋارايى ناچار بولغاچقا نۇرغۇن شوپۇر ئاپتوموبىل سۈرئىتىنى ئاستىلىتىپ ۋە ئاپتوموبىل ئارىلىقىنى ساقلاپ يول يۈرگەن بولغاچقا قاتناش ۋەقەسى يۈز بېرىشنىڭ ئالدى ئېلىنغان .