نىكى مورگان يېقىندا، نەچچە ئون مىليون فوندستېرلىڭ مەبلەغ ئاجرىتىپ، ئەنگلىيە مائارىپنى يۈكسەلدۈرۈپ، ئۆزگىرىشكە تاقابىل تۇرۇش ئىقتىدارى ۋە كۈچلۈك ئىرادە يېتىلدۈرۈش جەھەتتە دۇنيا بويىچە ئالدىنقى قاتاردىكى سەۋىيەگە يېتىمىز، دەپ جاكارلىدى.

ئەنگلىيەدىكى نۇرغۇن مەكتەپ ۋە ئورگانلار ئوقۇغۇچىلارنى ياخشى خاراكتېر يېتىلدۈرىدىغان پائالىيەت سورۇنى بىلەن تەمىنلەيدۇ، ھازىر ئوقۇغۇچىلارنىڭ ئەخلاق تەربىيەسى بىلەن ئىلىم ئۆگىنىشىنى تەڭ ئورۇنغا قويۇش مەقسىتىدە 3 مىليون 500 مىڭ فوندستېرلىڭ مەبلەغ ئاجرىتىش تەستىقلاندى.

نىكى مورگان مۇنداق دېدى: ئەخلاق تەربىيەسى تۈرىگە 3 مىليون 500 مىڭ فوندستېرلىڭ تولۇقلىما ئاجرىتىش پىلانى كەسىپ ئىگىلەپ بولغان كىشىلەرنى تاۋلاپلا قالماي، ئىلغار تۈرلەرنىڭ ئىلگىرى سۈرۈلۈشىگىمۇ تۈرتكە بولىدۇ ھەم تېخىمۇ كۆپ ئوقۇغۇچىلارنىڭ تېخىمۇ ئەتراپلىق يېتىلىشىگە ئىمكانىيەت يارىتىپ بېرىدۇ. بۇ ئۆزگىرىشلەر مائارىپ تۈزۈلمىمىز ئۈچۈن نامايەندە خاراكتېرلىك ئەھمىيەتكە ئىگە، يەنە كېلىپ بۇ ئۆزگىرىشلەر مائارىپ ئالاھىدىلىكى ۋە ماسلىشىش ئىقتىدارى جەھەتتە دۇنيا بويىچە ئالدىنقى قاتاردىكى ئورنىمىزنى تېخىمۇ مۇستەھكەملەيدۇ ھەم ‹‹ياشلىرىمىز كەلگۈسىدىكى ئەنگلىيەگە يېتەكچىلىك قىلىش ئۈچۈن ئىلگىرىكىدىنمۇ تولۇق تەييارلىق كۆرۈپ قويدى›› دېگەن ئېنىق ئۇچۇرنى تارقىتىدۇ.

ئوقۇغۇچىلارنىڭ مەكتەپتىن ئايرىلغان ۋاقتىدا زامانىۋىلاشقان ئەنگلىيەدە ياشاشقا تولۇق تەييارلىق كۆرگەن بولۇشىغا كاپالەتلىك قىلىش ئەنگلىيە ھۆكۈمىتىنىڭ مائارىپ پىلانىنىڭ مۇھىم بىر قىسمى. كۈچلۈك كەسىپ ئەخلاقى ئورنىتىش، ئوقۇتۇش سەۋىيەسىنى ئۆستۈرۈش ۋە دەرسخانا پائالىيىتىنى ياخشىلاش ئەنگلىيە كەلگۈسى ئىقتىسادىنى يۈكسەلدۈرۈشنىڭ ئاچقۇچى.