جۇڭشىن تورىنىڭ گۇاڭجۇدىن بەرگەن تېلېگراممىسى.4-ئاينىڭ2-كۈنى   گۇاڭدۇڭ ئۆلكىلىك  تازىلىق  كومىتىتى  ئۇقتۇرۇش چىقىرىپ ، گۇاڭجۇ  شەھرىدە H7N9زۇكۇمى بىلەن  يۇقۇملانغان كىشىلەرنىڭ تىزملىكىنى ئاشكارلىدى  ۋە ئىككى  كىشىنىڭ مۇشۇ  زۇكام تۈپەيلى ئۆلگەنلىكىنى  ئېيتتى.

يۇقۇملانغۇچى تىيەنXX  ،68  ياش ، ئەر ،  خۇبېي ئۆلكىسى  ۋۇخەن شەھرىدىن، ھازىر گۇاڭجۇ  شەھرى  خەيجۇ رايونىدا،  3-ئاينىڭ31-كۈنى H7N9زۇكۇمى بىلەن يۇقۇملانغانلىقى  ئېنىقلاندى،  ھازىر بىمارنىڭ كېسەللىك ئەھۋالى ئېغىر،  گۇاڭجۇ شەھرىدىكى   نۇقتىلىق داۋالاش ئورنىدا داۋالىنىلىۋاتىدۇ.

فوشەن شەھەرلىك شۈندې  رايونى 2-ئاينىڭ23-كۈنى   خۇاڭxxنىڭ   H7Nبىلەن يۇقۇملانغانلىقىنى دەلىللەنگەن، 3-ئاينىڭ7-كۈنى  بىمارنىڭ نەپەس قىيىنلىشىپ ،3-ئاينىڭ29-كۈنى   قۇتقۇزۇش ئۈنۈم بەرمەي ئۆلۈپ كەتكەن. تۆۋەندە  h7n9زۇكۇمىغا قايتا  ئېنىقلىما بېرىمىز:

ئەڭ بالدۇر بايقالغان قۇش زۇكۇمىغا ئائىت خاتىرە 1878-يىلى ئىتالىيەدە يۈز بەرگەن توخۇلارنىڭ كوللىكتىپ ئۆلۈپ قىلىش ۋەقەسى بولۇپ، ئەينى ۋاقىتتا بۇ توخۇ ۋاباسى دەپ ئاتالغان. 1955-يىلىغا كەلگەندە ئالىملار 19-ئەسىردە تارقالغان بۇ يۇقۇمنىڭ ب تىپلىق تارقىلىشچان زۇكام ۋىروسىدىن پەيدا بولغانلىقىنى ئىسپاتلىغان. كىيىن بۇ خىل يۇقۇملۇق كىسەل قۇش زۇكۇمى دەپ ئاتالغان.

2003-يىلىنىڭ ئاخىرىدا، يۇقىرى تارقىلىشچان H5N1 تىپلىق قۇش زۇكۇمى ئەڭ ئالدى بىلەن ئاسىيادا بايقالغان، كىيىنكى بىر نەچچە يىلدا يەنە ياۋرۇپا، ئامېرىكا، ئوتتۇرا شەرق قاتارلىق دۆلەتلەردە تارالغان، بۇنىڭ بىلەن كىشىلەر قۇش زۇكۇمىنى تىزدىن تونۇشقا باشلىدى. بۇ يىل ئەتىيازدا پارتلىغان H7N9 تىپلىق قۇش زۇكۇمى يەنە بىر قىتىم كىشىلەرگە قۇش زۇكۇمىنىڭ ئەزەلدىن بىزدىن يىراق كەتمىگەنلىكىنى ئەسكەرتتى. دۇنيا سەھىيە تەشكىلاتى 2012-يىلىنىڭ ئاخىرىدا ئىستاستىستىكا قىلغان سانلىق مەلۇماتىدىن ئايان بولۇشىچە، H5N1 تىپلىق قۇش زۇكۇمى دۇنيا مىقياسىدا نەچچە يۈز كىشىنى يۇقۇملاندۇرغان، قازا قىلغانلارنىڭ سانى 359گە يەتكەن، بۇنىڭ ئىچىدىكى 159كىشى ھىندونېزىيەلىك ئىكەن.

H7N9 بىر خىل ئىككىلەمچى قۇش زۇكۇمى بۇلۇپ، ۋىروسنىڭ سىرتقى پەردىسىنى ئىككى قەۋەت قەنت ئاقسىلى ئوراپ تۇرىدۇ. ئۇنىڭ بىرى قان ھۆجەيرىسى ئاگگليۇتىن (H)، يەنە بىرى نېۋرامىنىدازا (N). H تىپىدىكىسى يەنە 15 ئىككىلەمچى تىپقا، N تىپىدىكىسى 9 ئىككىلەمچى تىپقا ئايرىلىدۇ. ئىنسانلاردىكى تارقىلىشچان زۇكام ۋىروسى قۇش زۇكۇمى ۋىروسىنى كەلتۈرۈپ چىقىرىدۇ. لېكىن قۇش زۇكۇمى ۋىروسىنىڭ ھەممىسى ئىنسانلار زۇكۇمىنى كەلتۈرۈپ چىقارمايدۇ. قۇش زۇكۇمى ۋىروسى ئىچىدە H3، H5، H7، H9 ئادەمگە يۇقىدۇ. بۇنىڭ ئىچىدە H5 نىڭ يۇقۇمچانلىقى ئەڭ كۈچلۈك. H3 ئادەم ۋە ئىتلارغا تەڭ يۇقىدۇ.

تارقىلىشچان زۇكام ۋىروسىنىڭ ئالاھىيدىلىكىگە ئاساسەن HxNx دەپ جەمئى 135 خىل ئىككىلەمچى قۇش زۇكۇمى ۋىروسى بۇنىڭ ئىچىدىكى بىرى بۇلۇپ، ئىلگىرى پەقەت قۇشلاردىلا بايقىلىپ، ئىنسانلارنىڭ يۇقۇملىنىش ئەھۋالى بايقالمىغان. بۇ خىل ۋىروسنىڭ بىئولوگىيىلىك ئالاھىيدىلىكى، كىسەللىك پەيدا قىلىش كۈچى، تارقىلىش كۈچىگە نىسبەتەن تېخى تەھلىل قىلىپ ھۆكۈم قىلىشقا ئاساس يوق.

H7N9 ئىككىلەمچى تارقىلىشچان قۇش زۇكۇمى ۋىروسى A تىپتىكى تارقىلىشچان زۇكامنىڭ بىر تۈرى بۇلۇپ، ئىلگىرى پەقەت قۇشلاردىلا بايقالغان. ئادەملەرنىڭ يۇقۇملىنىش ئەھۋالى كۆرۈلمىگەن.

يۇقۇملۇق زۇكام – يۇقۇملۇق زۇكام ۋىروسى كەلتۈرۈپ چىقىرىدىغان بىر خىل جىددىي خەرەكتىرلىك نەپەس يۇلى يۇقۇملۇق كىسەللىكى ھىساپلىنىدۇ. يۇقۇملۇق زۇكام ۋىروسى A، B، C دىن ئىبارەت ئۈچ تۈرگە ئايرىلىدۇ. بۇنىڭ ئىچىدە A تىپلىق يۇقۇملۇق زۇكام – يۇقۇملۇق زۇكام ۋىروسى ئالاھىيدىلىكىگە ئاساسەن HxNx بۇلۇپ، جەمئىي 135 ئىككىلەمچى تىپقا ئايرىلىدۇ.