چەتئەل تاراتقۇلىرىنى ئېيتىشىچە دۇنيا بانكىسى 9- دېكابر « شەرقىي ئاسىيا ۋە تىنچ ئوكيان رايونىدىكى نوپۇسنىڭ قېرىلىشىش دوكلاتى »نى ئېلان قىلغان بولۇپ، دوكلاتتا ئېيتىلىشىچە، شەرقىي ئاسىيا رايونىدىكى نوپۇسنىڭ قېرلىشىش سۈرئىتى تارىختا كەم كۆرۈلىدىغان سەۋىيەگە يەتكەن بولۇپ، بۇ خىل ئەھۋالدا ئەمگەك ئىقتىدارغا ئىگە نوپۇسنىڭ ئومۇمىي نوپۇست ئىگىلىگەن نىسبىتى زور دەرىجىدە تۆۋەنلەيدىكەن، پەقەت جۇڭگودىلا 2040- يىلدىن ئىلگىرى 90 مىليون ئەمگەك كۈچى ئازىيىدىكەن.

     رۇسىيە سۈنئىي ھەمراھ تورىنىڭ 12- ئاينىڭ 9- كۈنىدىكى خەۋىرىگە قارىغاندا، دوكلاتتا يەنە مۇنداق دېيىلگەن: شەرقىي ئاسىيا رايونىدىكى نوپۇسنىڭ قېرلىشىش سۈرئىتى تارىختا كۆرۈلۈپ باقمىغان سەۋىيەگە يەتتى، قىسقىغىنا 20~30 يىل ئىچىدە 65 ياشتىن ئاشقان نوپۇسنىڭ بۇ رايوننىڭ ئومۇمىي نوپۇسىدا ئىگىلىگەن نىسبىتى %7 تىن بىراقلا %14 كە چىقتى. 2015- يىلدىن 2034- يىلغىچە بولغان ئارىلىقتا شەرقىي ئاسىيا رايونىدا 65 ياشتىن يۇقىرى نوپۇسنىڭ ئومۇمىي نوپۇستا ئىگىلىگەن نىسبتى %22 كە يېتىدۇ.

    دوكلاتتا يەنە مۇنۇلارنى تەكىتلەنگەن: مۆلچەرلىنىشىچە، 2010- يىلدىن 2040- يىلغىچە بولغان ئارىلىقتا شەرقىي ئاسىيا رايونىدىكى چوڭ دۆلەتلەردىكى ئەمگەك ئىقتىدارىغا ئىگە نوپۇسىنىڭ ئومۇمىي نوپۇستا ئىگىلىگەن نىسبىتى زور دەرىجىدە تۆۋەنلەيدىكەن، كورىيەدە تۆۋەنلەش نىسبىتى %15 تىنمۇ ئېشىپ كېتىدىكەن. تايلاند، جۇڭگو ۋە ياپونىيەدە %10 ياكى ئۇنىڭدىنمۇ يۇقىرى بولىدىكەن.