شۇ جاي ۋاقتى 11-ئاينىڭ 21-كۈنى، بۇ يىلقى تۇنجى قار-بوران ئامېرىكا ئوتتۇرا غەرب رايونىغا ھۇجۇم قىلىپ نەچچە يۈزلىگەن نۆۋەتلىك ئايروپىلان بىكار قىلىندى.

  ئامېرىكا خەنزۇچە تورىنىڭ خەۋەر قىلىشىچە، 21-نويابر ئەتىگەندە جەنۇبىي داكوتا شتاتى، مىننېسوتا شىتاتى جەنۇبىي رايونى، لوۋا شىتاتى، ۋىسكونسىن شىتاتى ۋە ئىللىنويىز شىتاتى پۈتۈنلەي ئاپئاق قارغا كۆمۈلۈپ ھۆكۈمەت قار تازىلاش ماشىنىسى ئورۇنلاشتۇرغان. چۈش بولغاندا ئىندىياننا شىتاتى ۋە مىچىگان شتاتىنىڭ قىسمەن رايونلىرىدا قار يېغىشقا باشلىغان. ھاۋارايى مۇتەخەسىسلىرىنىڭ ئېيتىشىچە، قار-بوران 21-نويابر كەچتە كاناداغا يېتىپ بارىدىكەن.

شەنبە كۈنى چىكاگو ئوھارى خەلقئارا ئايروپىلان ئىستانسىسىدىكى قارنىڭ قېلىنلىقى 13.7 سانتىمېترغا يەتكەن بولۇپ 250 دانە نۆۋەتلىك ئايروپىلان بىكار قىلىنغان. ئوتتۇرا مۇساپىلىك خەلقئارا ئايرودرومىمۇ 150 دانە نۆۋەتلىك ئايروپىلاننى بىكار قىلىپ تېخىمۇ كۆپ ئايروپىلانلار كېچىككەن.

 دۆلەتلىك ھاۋارايى ئىدارىسى گىئولوگىيە مۇتەخەسىسى تېررىي :«بۈگۈن تولىمۇ قىيىن بىر كۈن بولدى» دېدى.

تېررىينىڭ ئېيتىشىچە، مىننەتدارلىق بايرىمىدىن بۇرۇن ئوتتۇرا غەرب رايوندا قار يېغىشى نورمال ئىكەن، ئەمما بۇ قېتىمقى ياغقان قارنىڭ مىقدارى بۇرۇنقىغا قارىغاندا ئىنتايىن كۆپ ئىكەن. جەنۇبىي داكوتا شتاتى شەرقىي-جەنۇبى رايونىدا بىر كېچىدىلا 45.72 سانتىمېتر قېلىنلىقتا قار ياغقان، لوۋا شىتاتى ۋە ئىللىنويىز شىتاتىدىكى بەزى رايونلاردا قارنىڭ قېلىنلىقى 30 سانتىمېتردىن ئېشىپ كەتكەن.

تېمپراتۇرا تۆۋەنلىگەندىن كېيىن كەڭ كۆلەمدە قارنىڭ يېغىشى ئېنىق، جەنۇبىي داكوتا شتاتىنىڭ شەنبە كۈنىدىكى تېمپراتۇرىسى نۆلدىن تۆۋەن 11.6 سېلسىيە گرادۇس ئىكەن. لوۋا شىتاتىدىكى Estherville شەھىرىنىڭ ئەتىگەندىكى تېمپراتۇرىسىلا نۆلدىن تۆۋەن 14 سېلسىيە گرادۇس ئىكەن.

11-ئاينىڭ 21-كۈنى ئىللىنويىز شىتاتى ئېلگىندە Al Frelk قاردا سەيلە قىلىۋاتاتتى. Al Frelk نىڭ دېيىشىچە ئۇ بۇ قارنىڭ يېغىشىغا توققۇز ئاي بۇرۇنلا تەلپۈنگەنىكەن.

11-ئاينىڭ 21-كۈنى جەنۇبىي داكوتا شتاتى سىيوكىستا Jim Paulson ئۆيى ئالدىدىكى قارنى تازىلاۋاتاتتى.

11-ئاينىڭ 21-كۈنى جەنۇبىي داكوتا شتاتى سىيوكىستا بىر ماشىنا قارغا قارىماي ئالدىغا قاراپ مېڭىۋاتاتتى.