2014-يىللىق ئاسىيا-تىنچ ئوكيان ئىقتىسادىي ھەمكارلىق تەشكىلاتى (APEC) نىڭ ئەڭ ئاخىرقى بىر قېتىملىق يۇقىرى دەرىجىلىك ئەمەلدالار يىغىنى 5-نويابىر چۈشتىن بۇرۇن دۆلەتلىك يىغىن مەركىزىدە ئۆتكۈزۈلۈشكە باشلىدى

شىنخۇا تورى ، بېيجىڭ ، 5-نويابىر تېلېگراممىسى : 2014-يىللىق ئاسىيا-تىنچ ئوكيان ئىقتىسادىي ھەمكارلىق تەشكىلاتى (APEC) نىڭ ئەڭ ئاخىرقى بىر قېتىملىق يۇقىرى دەرىجىلىك ئەمەلدالار يىغىنى 5-نويابىر چۈشتىن بۇرۇن دۆلەتلىك يىغىن مەركىزىدە ئۆتكۈزۈلۈشكە باشلىدى ، بۇنىڭ بىلەن 2014-يىللىق ئاسىيا-تىنچ ئوكيان ئىقتىسادىي ھەمكارلىق تەشكىلاتى (APEC) رەھبەرلىرى يىغىن ھەپتىلىكى باشلاندى .

بۇ قېتىمقى ئەمەلدارلار يىغىنى ئىككى كۈن ئېچىلىدۇ . يۇقىرى دەرىجىلىك ئەمەلدارلار يىغىنىنىڭ رەئىسى ، دىپلوماتىيە مىنىستىرلىقىنىڭ مۇئاۋىن مىنىستىرى لى باۋدۇڭ يىغىنغا رىياسەتچىلىك قىلدى .

بۇ قېتىمقى ئەمەلدارلار يىغىنىمۇ 5-نويابىردىن 11-نويابىرغىچە ئۆتكۈزۈلىدىغان 2014-يىللىق ئاسىيا-تىنچ ئوكيان ئىقتىسادىي ھەمكارلىق تەشكىلاتى (APEC) رەھبەرلىرى يىغىن ھەپتىلىكىنىڭ تۇنجى مەيدان پائالىيىتى بولۇپ ھېسابلىنىدۇ . ئارقىدىنلا ، مىنىستىر دەرىجىلىكلەر يىغىنى ، سودا-سانائەت رەھبەرلىرى ئۇچرىشىشى ، APEC رەھبەرلىرى بىلەن سودا-سانائەت مەسلىھەتچىلىك جەمئىيىتى ۋەكىللىرىنىڭ سۆھبەت يىغىنى قاتارلىق پائالىيەتلەر ئۆتكۈزۈلىدۇ . بۇ قېتىمقى باشلىقلار يىغىنى ھەپتىلىكىنىڭ يۇقىرى دولقۇنى ھېسابلانغان 2014-يىللىق ئاسىيا-تىنچ ئوكيان ئىقتىسادىي ھەمكارلىق تەشكىلاتى 22-قېتىملىق رەھبەرلىرىنىڭ بىرەسمىي يىغىنى 10-نويابىردىن 11-نويابىرغىچە ئۆتكۈزۈلىدۇ.