شىياڭگاڭ «جەنۇبىي جۇڭگو سەھەر گېزىتى»نىڭ 1-ئاينىڭ 7-كۈنىدىكى خەۋىرىگە ئاساسلانغاندا، تۈركىيە دۆلەتلىك دىنىي ئىشلار ئىدارىسى (دىيانەت) 1-ئاينىڭ 4-كۈنى ئاگاھلاندۇرۇش بېرىپ، چاي ئىچۈرۈلۈپ بولۇنغان ئەر-ئاياللارنىڭ ئاممىۋى سورۇنلاردا «ئامراقلىق قىلىشماسلىق»نى تەلەپ قىلدى، بۇ قول تۇتۇشۇپ مېڭىش قاتارلىق يېقىنچىلىق ھەرىكەتلىرىنى ئۆز ئىچىگە ئالىدۇ، چۈنكى بۇلار ئىسلام ئەقىدىسىگە خىلاپلىق قىلغانلىق.

    تۈركىيە دىيانەت ئىدارىسى توي قىلمىغان ئەر-ئاياللارنىڭ ئىشقىۋازلىق قىلماسلىق، بىرگە تۇرماسلىق، ھەتتا يېقىن ئولتۇرۇپ سىردىشىشتەك ئىسلام دىنى ئېتىراپ قىلمايدىغان قىلمىشلاردا بولماسلىق تەكلىپى بەردى، چۈنكى بۇ باشقىلارنىڭ سۆز-چۆچەك قىلىشىنى كەلتۈرۈپ چىقىرىدۇ.

    چاي ئىچۈرۈلگەن ئەر-ئاياللارنىڭ كۆرۈشسە بولىدىغان بولمايدىغانلىق مەسىلىسىدە، تۈركىيە دىيانەت ئىدارىسى بىلدۈرۈشىچە، پەقەت ئۇلار ئىسلام ئەھكاملىرىغا ئەمەل قىلسا، كۆرۈشۈپ ئۆزئارا چۈشىنىشسە زىيانلىق ئەمەسكەن.

    تۈركىيە دۆلەتلىك دىنىي ئىشلار ئىدارىسى تۈركىيەدە «دىيانەت» ئىدارىسى دەپ ئاتىلىدۇ، تۈركىيەنىڭ دىنىي ئىشلارنى بىر تەرەپ قىلىدىغان دۆلەتلىك ئورگان. 2015-يىلى 4-ئايدا، دىيانەت ئىدارىسى مۇسۇلمانلارنىڭ تازىلىق قەغىزى ئىشلىتىشىگە رۇخسەت قىلىدىغان پەتىۋاغا ئىمزا قويغانلىقى ئۈچۈن جامائەت پىكىرى دىققىتىگە ئايلىنىپ قالغان ئىدى.

    بۇ پەتىۋادا كۆرسىتىلىشىچە، ھاجەت قىلغاندىن كېيىن، ئەگەر سۈزۈك سۇ تاپالمىسا، مەسىلەن تازىلىق قەغىزى دېگەندەك باشقا نەرسىلەرنى ئورنىغا ئىشلىتىشكە بولىدىكەن. ئەنئەنىۋى مۇسۇلمانلار ھاجەت قىلىش قانۇنى (قەدداھۇل ھاجەھ) دا مۇسۇلمانلار ھاجەت قىلغاندىن كېيىن، سۇ، ئۈچ پارچە تاش ياكى ئۆزىنىڭ سول قولى بىلەن پاكىزلىشى كېرەك، بۇ قانۇن پۈتۈلگەن ۋاقىت قەغەز كەشپ قىلىنشتىن بۇرۇن بولغان. بۇنىڭدىن سىرت، مۇسۇلمانلار ھاجەت قىلغاندا مەيلى ئەر ياكى ئايال بولسۇن ئولتۇرۇپ ھاجەت قىلىشى كېرەك.

    خەۋەردە دېيىلىشىچە، گەرچە تۈركىيە دىندىن خالىي دۆلەت بولسىمۇ، بۇنىڭغا ئوخشايدىغان ئىسلام قانۇنلىرىنىڭ ئىمزالىنىشى قانۇن جەھەتتە ئەمەلىي رول ئوينىيالمايدىغان. ئەمما ئىستانبۇلغا ئوخشاش شەھەرلەردىن سىرت، تۈركىيەنىڭ يەنە نۇرغۇن جايلىرى ئىنتايىن ئەنئەنىۋى، شۇڭا بۇ قانۇن ئىسلام دۇنياسىدا يەنىلا تەسىر كۈچكە ئىگە.

    تۈركىيەنىڭ مۇسۇلمانلىشىشى، مەكتەپ مائارىپى ئىسلاھاتى ھەمدە دىنىي مەكتەپلەرنىڭ كېڭىيىشى سەۋەبلىك، ئائىلە باشلىقلىرى بالىلىرىغا دىندىن خالىي مەكتەپ تېپىشنىڭ بارغانسېرى تەسلىشىۋاتقانلىقىدىن ئاغىرىنىشقا باشلىدى. گۇمانلارغا قارىتا، تۈركىيەنىڭ ھازىرقى پرېزىدېنتى ئەردوغان يەرلىك دائىرىلەرنىڭ پەقەت تەقۋا مۇسۇلمانلارغا تېخىمۇ چوڭ دىنىي ئەركىنلىك بەرمەكچى بولغانلىقىنى بىلدۈردى.