«يەر شارى تورى» ئۇنىۋېرسال خەۋىرى، نۇر تورى تەرجىمىسى: رۇسىيە تاراتقۇ ۋاسىتىلىرىنىڭ خەۋىرىگە قارىغاندا، تۈركىيە زۇڭتۇڭى ئەردوغان 

مۇنداق دەپ قارىغان: ب د ت خەۋپسىزلىك كېڭىشى ئىسلاھات يۈرگۈزۈپ، ئەزا دۆلەت سانىنى 20 گە كۆپەيتىشى ھەمدە دائىمىي ئەزا دۆلەت تۈزۈمىنى ئەمەلدىن قالدۇرۇشى كېرەك. 

ئۇ: ب د ت خەۋپسىزلىك كېڭىشى تۈزۈمى ئىسلاھات ئېلىپ بېرىشقا مۇھتاج. خەۋپسىزلىك كېڭىشى بەش دائىمىي ئەزا دۆلەت ۋە ئون خەۋپسىزلىك كېڭىشى ئەزاسىدىن تەركىب تاپقان. بەش دائىمىي ئەزا دۆلەت رۇسىيە، ئەنگلىيە، فىرانسىيە، ئامېرىكا ۋە جۇڭگو قاتارلىق دۆلەتلەرنى ئۆز ئىچىگە ئالغان بولۇپ، بۇنىڭ ئىچىدە ئافرىقىدىن ۋەكىل يوق. ئەمما ئافرىقىمۇ بۇ مېخانىزمنىڭ ئىچىگە قاتنىشىشى كېرەك، دېگەن.

ئەردوغان يەنە: ب د ت خەۋپسىزلىك كېڭىشىدە 196 دۆلەت ئالمىشىپ ۋەكىللىك قىلىشى كېرەك. دائىمىي ئەزا دۆلەت ۋە خەۋپسىزلىك كېڭىشى ئەزاسى تۈزۈمىنى ئەمەلدىن قالدۇرۇپ، 20 دۆلەتتىن ب د ت خەۋپسىزلىك كېڭىشىنى تەشكىل قىلىشى لازىم. شۇنداقلا ئەزالارنى نۆۋەتلەشتۈرۈش لازىم، دەپ تەكىتلىگەن.