ئامېرىكا تاراتقۇلىرىنىڭ خەۋەر قىلىشىچە، ئامېرىكا مىچگان شىتاتى دېترويت شەھەر مەركىزىگە جايلاشقان ئالوفت مېھمانخانىسى 12-ئاينىڭ 8-كۈنى يېڭى بىر خادىم يەنى ماشىنا ئادەم بوتلىرنى ئىشلەتكەن.

     بوتلىر ئۈچ ئىنگلىزچىسى ئېگىزلىكتە بولۇپ، قارىماققا «پىلانتلار ئۇرۇشى» دىكى پۇت-قوللىرى يوق ماشىنا ئادەم R2-D2 گە ئوخشايدۇ، ئالوفت مېھمانخانىسىنىڭ مېھمانلار ئۈچۈن مۇلازىمەت قىلىدۇ.

    بوتلىر چاق بىلەن ھەرىكەتلىنىدىغان بولۇپ، گەۋدىسىدە يېپىق ھالەتتىكى ساندۇقچىسى بار، بۇ يەرگە مېھمانلار كېرەكلىك چىش پاستىسى، مېنىرال سۇ قاتارلىق كۈندىلىك تۇرمۇش بۇيۇملىرىنى ساقلاشقا بولىدۇ.

بۇ ماشىنا ئادەمنىڭ سۈرئىتى ناھايىتى تېز بولۇپ، ھەر سائەتتە تۆت ئىنگلىز مىلى ئىلگىرلىيەلەيدۇ، بۇ بىر ئادەمنىڭ تېز سۈرئەتتە پىيادە مېڭىشىغا باراۋەر. بالىلار ۋە ئەرمەك ھايۋانلارغا سوقۇلۇپ كېتىشىنىڭ ئالدىنى ئېلىش ئۈچۈن، ئۇ سەزگۈر دېتال ئارقىلىق ئالدىدىكى بۇيۇملارنى تەكشۈرىدۇ.

    مېھمانلارنىڭ قانداق ئېھتىياجى بولسا، خىزمەتچى خادىملار بۇ نەرسىنى بوتلىرنىڭ يېپىق ھالەتتىكى ساندۇقچىسىنىڭ سېلىپ قويىدۇ، شۇنداقلا كۆرسەتكۈچ ئېكرانغا ياتاق نومۇرىنى بېسىپ قويىدۇ. بۇ ماشىنا ئادەم لېفىت پروگراممىسىغا سىمسىز ئۇلىنىدۇ، شۇنداقلا لىفىتكە قانچىنچى قەۋەتكە چىقىدىغانلىقىغا بۇيرۇق چۈشۈرىدۇ. ئىشىك ئالدىغا بارغاندىن كېيىن بوتلىر مېھمانغا تېلېفون ئۇرۇپ، سىنغا ئېلىۋالغان ئاۋاز بىلەن ئۆزىنىڭ كەلگەنلىكىنى مېھمانغا ئۇقتۇرىدۇ.

    بۇ مېھمانخانا دېرىكتورى ئېرىك مارلونىڭ دېيىشىچە، مېھمانلار بوتلىرنىڭ كۆرگەندە ھەم ھەيران قالىدىكەن ھەم ئىنتايىن خۇشال بولۇپ كېتىدىكەن.