دۆلەتلىك ئىستاتىستىكا ئىدارىسى 10-ئىيۇن ئېلان قىلغان پۈتۈن مەملىكەتتىكى ئاھالىلەرنىڭ ئىستېمال باھا ئومۇمىي كۆرسەتكۈچى ۋە سانائەت مەھسۇلاتلىرىنىڭ زاۋۇتتىن چىقىش باھا كۆرسەتكۈچىدىن ئايان بولىشىچە، 5-ئايدا مەملىكەت بويىچە ئاھالىلەرنىڭ ئىستېمال باھا كۆرسەتكۈچى ئالدىنقى ئايدىكىدىن %0.1 ئاشقان، ئېشىش نىسبىتى ئازراق يۇقىرى بولۇپ، %2.5 ئاشقان، سانائەت مەھسۇلاتلىرىنىڭ زاۋۇتتىن چىقىش باھاسى ئالدىنقى ئايدىكىدىن %0.1 چۈشكەن، ئوخشاش مەزگىلدىكىدىن چۈشۈش نىسبىتى داۋاملىق %1.4 لىك سەۋىيەدە بولغان، نۆۋەتتە ئېلىمىزدە مال باھاسى ئومۇمىي سەۋىيەسى ئاساسەن مۇقىم، يەنىلا مۇۋاپىق دېيىشكە بولىدۇ، ئىقتىسادنىڭ ئېشىش سۈرئىتى بىلەن ئاساسەن ماس كېلىدۇ، ماكرولۇق تەڭشەپ كونترول قىلىش كۆزلەنمىسىگە ماس كېلىدۇ.

گوۋۇيۈەن مەسلىھەتچىلەر ئىشخانىسىنىڭ ئالاھىدە تەكلىپلىك تەتقىقاتچىسى ياۋ جىڭيۈەن مۇنۇلارنى بىلدۈردى؛ يېقىنقى بىرقانچە ئايدىكى پۈتۈن مەملىكەتتىكى ئاھالىلەرنىڭ ئىستېمال باھا ئومۇمىي كۆرسەتكۈچى ۋە سانائەت مەھسۇلاتلىرىنىڭ زاۋۇتتىن چىقىش باھا كۆرسەتكۈچى ئەھۋالىدىن قارىغاندا، بۇ يىل كىرگەندىن بۇيان ئېلىمىزنىڭ مال باھاسى ئومۇمىي سەۋىيەسىدە مۇقىم ئېشىش ۋەزىيىتى ساقلاپ قېلىنغان، بۇ يىلنىڭ كېيىنكى يېرىمىدىمۇ زور داۋالغۇش بولمايدۇ، يەنىلا داۋاملىق مۇقىم ئاشىدۇ، پۈتۈن مەملىكەتتىكى ئاھالىلەرنىڭ ئىستېمال باھا ئومۇمىي كۆرسەتكۈچىنىڭ ئوخشاش مەزگىلدىكىدىن %2 دىن %3 گىچە ئېشىشىدىن، سانائەت مەھسۇلاتلىرىنىڭ زاۋۇتتىن چىقىش باھا كۆرسەتكۈچىنىڭ تۆۋەنلەش نىسبىتىنىڭ تەدرىجىي ئاستىلاپ مەنپىدىن مۇسبەتكە قاراپ بۇرۇلۇش ياسىشىدىن ئۈمىد بار، بۇ ئېلىمىزنىڭ ھازىرقى باسقۇچتىكى ئىقتىسادىنىڭ ئېشىش سۈرئىتى بىلەن ماس كېلىدۇ، شۇنداقلا ماكرولۇق تەڭشەپ كونترول قىلىش كۆزلەنمىسى بىلەن ماس كېلىدۇ، بۇ بىرقەدەر مۇۋاپىق مال باھاسى سەۋىيەسى ھېسابلىنىدۇ.

پۈتۈن مەملىكەتتىكى ئاھالىلەرنىڭ ئىستېمال باھا ئومۇمىي كۆرسەتكۈچىدە يېمەكلىك يەنىلا كۆرسەتكۈچتە داۋالغۇش بولۇشتىكى مۇھىم ئامىل، ئەمما بۇ يىل يازلىق ئاشلىقتىن ھوسۇل ئېلىندى، كۈزلۈك ئاشلىقتىنمۇ ھوسۇل ئېلىشتىن ئۈمىد بار، ئاشلىق باھاسى مۇقىم، مال باھاسىدا چوڭ داۋالغۇش بولۇش ئامىلى يوق، كۆكتات، سۇ مەھسۇلاتلىرى، ھۆل مېۋە قاتارلىقلاردا پەسىل كىلىماتىنىڭ تەسىرىدە باھادا ئازراق داۋالغۇش بولۇشى مۇمكىن ئەمما داۋالغۇش نىسبىتى يۇقىرى بولمايدۇ، بۇ پۈتۈن مەملىكەتتىكى ئاھالىلەرنىڭ ئىستېمال باھا ئومۇمىي كۆرسەتكۈچىنىڭ زور دەرىجىدە ئۆزگىرىشىنى كەلتۈرۈپ چىقارمايدۇ، ئۇنىڭدىن باشقا ئۆتكەن يىلى 6-ئايدىن كېيىن پۈتۈن مەملىكەتتىكى ئاھالىلەرنىڭ ئىستېمال باھا ئومۇمىي كۆرسەتكۈچى كۆرۈنەرلىك دەرىجىدە ئاشتى، شۇڭا بۇ يىل 5-6-7-ئايغا كۆرسىتىدىغان تەسىرى بىرقەدەر چوڭ بولىدۇ، شۇنىڭدىن كېيىن تەدرىجىي ئاجىزلىشى، پۈتۈن مەملىكەتتىكى ئاھالىلەرنىڭ ئىستېمال باھا ئومۇمىي كۆرسەتكۈچىگە كۆرسىتىدىغان تەسىرى چەكلىك بولۇشى مۇمكىن، پۈتۈن بىر يىلدا پۈتۈن مەملىكەتتىكى ئاھالىلەرنىڭ ئىستېمال باھا ئومۇمىي كۆرسەتكۈچى نىسبەتەن مۇقىم بولغان، ئوتتۇرا قىسمى يۇقىرى ، ئىككى تەرىپى تۆۋەن بىر باسقۇچنى بېسىپ ئۆتىدۇ.