Rentrakشىركىتىنىڭ سانلىق مەلۇماتىغا ئاساسلانغاندا، 2015-يىلى ئەنگىلىيەنىڭ پۈتۈن يىللىق بېلەت كىرىمى 1.910 مىلىيارد دوللار (تەخمىنەن 1.310 مىلىيارد فوندستېرلىڭ) غا يېتىپ، 2014-يىلىدىكى 1.650 مىلىيارد دوللار بىلەن سېلىشتۇرغاندا %15 ئاشقان، ئوخشاشلا 2012-يىلىدىكى 1.720 مىلىيارد دوللاردىن ئېشىپ تارىخى يېڭى رېكورت ياراتقان.

     2014-يىلى ئەنگىلىيە بازىرىدا پەقەت «خوبىت 3» بىر فىلىمنىڭلا بېلەت كىرىمى 60 مىلىيون دوللاردىن ئاشتى، 2015-يىلىدا بېلەت كىرىمى 60 مىلىيون دوللاردىن ئاشقان فىلىمدىن بەشى بار. ئالدىنقى ھەپتە سەيشەنبە كۈنىگىچە، «پىلانىتلار ئۇرۇشى 7» نىڭ بېلەت كىرىمى جۇغلانمىسى 148.7 مىلىيون دوللارغا يېتىپ، 2015-يىلى قويۇلغان يېڭى فىلىم قاتارىدىكى بېلەت كىرىمى ئەڭ يۇقىرى فىلىمغا ئايلاندى ھەمدە ناھايىتى تېزلا «007: ئەرۋاھ» دىن ئېشىپ، ئەنگىلىيە كىنوچىلىق تارىخىدىكى ئەڭ بازارلىق فىلىمغا ئايلاندى. بىراق، ناۋادا يىل ئىچىدىكى بېلەت كىرىمىنى ھېسابلىساق، 2015-يىللىق چېمپىيون يەنىلا «007:ئەرۋاھ»، بېلەت كىرىمى 137 مىلىيون دوللار.

ئالدىنقى يىلى شىمالى ئامېرىكىدا ئىپادىسى ياخشى بولغان يەرشارى كىنوچىلىق شىركىتىنىڭ ئەنگىلىيە بازىرىدىكى ئىپادىسى ئوخشاشلا ياخشى بولدى، پۈتۈن يىللىق كىرىمى 497.9 مىلىيون دوللار بولۇپ، %21 بازار ئۈلۈشىنى ئىگەللەپ، ئۆزىنىڭ تارىخى رېكورتىنى يېڭىلىدى. تارقاتقان فىلىمىدىن تۆت فىلىم بېلەت كىرىمى رېتى ئالدىنقى ئوننىڭ ئىچىگە كىردى، ئۇلار ئايرىم-ئايرىم «يۇرا ئېراسى دۇنياسى»، «سېرىقچاقلار»،«سۈرئەت 7»، ۋە «Fifty Shades of Grey». ئارقىدىكى دېسنىينىڭ بېلەت كىرىمى 381.3 مىلىيون دوللار بولۇپ، ئۈچ فىلىم بېلەت كىرىمى ئالدىنقى ئوننىڭ ئىچىگە كىردى.

    گەرچە ئەنگىلىيەنىڭ بېلەت كىرىمى 2015-يىلى تارىخى يېڭى يۇقىرى نۇقتا رېكورتى ياراتقان بولسىمۇ، ئەمما Rentrak شىركىتى بۇ خىل ئېشىش يۈزلىنىشى 2016-يىلى داۋاملىشىشى تەس دەپ قارىغان، چۈنكى بۇ يىل «007: ئەرۋاھ» ۋە «پىلانىتلار ئۇرۇشى7» دەك بۇنداق بازارلىق فىلىم يوق.