چەتئەل تاراتقۇلىرىنىڭ خەۋىرىگە قارىغاندا، كانادا يېقىندا سۈرىيە مۇساپىرلىرىنى قوبۇل قىلغان، لېكىن مۇساپىرلار بۇنىڭدىن ئانچە رازى بولمىغان، بەزىلەر ھەتتا ئوتتۇرا شەرققە قايتىشنى تەلەپ قىلغان.

      ئىگىلىنىشىچە، كانادا ھۆكۈمىتى بىر قىسىم مۇساپىرلارنى تورونتودىكى كىچىك مېھمانسارايغا ئورۇنلاشتۇرغان. كانادا ھۆكۈمىتى ياردەم قىلىۋاتقان 85 مۇساپىرنىڭ بەزىلىرى ئۆزلىرىنىڭ بۇ يەردە بەلگىلەنگەن يەردە تاماق يەپ، بەلگىلەنگەن يەردە تۇردىغانلىقى ، بالىلىرىنىڭ سىرتقا چىقىپ ئوينىيالمايدىغانلىقى، بارىدىغان يېرىنىڭ يوقلۇقىدىن ئۆزلىرىنى خۇددى تۈرمىدە تۇردىغاندەك ھېس قىلدىغانلىقى، ئۇنىڭدىن كۆرە ئىيوردانىيە بىلەن لىۋاندىكى مۇساپىرلار لاگىرىغا قايتىشنى خالايدىغانلىقىنى ئېيتقان.