كۆكتات تەركىبىدە مول ۋىتامىن بار. لېكىن، كۆكتات تاللاشقا دىققەت قىلمىغاندا، پايدىلىق تەركىبلەر پايدىسىزغا ئۆزگىرىپ، ئەكىس تەسىر پەيدا قىلىدۇ. شۇڭا، تۆۋەندىكىدەك كۆكتاتلارنى سېتىۋېلىشتىن ساقلىنىڭ:
يېرىلىپ كەتكەن تۇرۇپ. بۇنداق تۇرۇپ تۈرىدىكى كۆكتاتلار قۇرت يېگەن ياكى بىنورمال ئوغۇتلاش سەۋەبىدىن قېپقالغان بولۇشى مۇمكىن، شۇڭا بۇنداق كۆكتاتنى يېيىشتىن ساقلىنىڭ.
قاتتىق شوخلا. بىر قىسىم كىشلەر شوخلا قانچە قاتتىق بولسا شۇنچە ياخشى بولىدۇ، دەپ قارايدۇ. ئەمما بۇنداق قاتتىق شوخلىنى سېتىۋالماسلىق، سېتىۋالغاندىن كېيىنلا يېمەسلىك، ئۈچ كۈن تۇرغۇزغاندىن كېيىن يېيىش كېرەك.
رەڭگى سۇس يېشىل يوپۇرماقلىق كۆكتاتلار. پارنىكتا ئۆستۈرۈلگەن كۆكتاتلارنىڭ يوپۇرمىقى كۈن نۇرىدا ئۆسكەن كۆكتاتلارغا سېلىشتۇرغاندا سۇس بولىدۇ، ئوزۇقلۇق مىقدارىمۇ تۆۋەن بولىدۇ، شۇڭا كۆكتاتنىڭ رەڭگىگە دىققەت قىلىش كېرەك.
غەيرى پۇرايدىغان كۆكتاتلار. بەزى كۆكتاتلار دېھقانچىلىق دورىلىرىنى كۆپ ئىشلەتكەنلىكتىن، پۇرىقىدا ئۆزگىرىش بولىدۇ، شۇڭا بۇنداق كۆكتاتنى سېتىۋالمىغان ياخشى.