Windows سېستىمىسىدىكى كومپىيۇتېرنى قوزغاتقاندا تۇنجى دېسكا بولسا C  دېسكىسىدىن باشلانغان بولۇپ، A ۋە B دېسكىسى قەيەرگە كەتتى؟

 قاتتىق دېسكا رايون نومۇرى يەنى دېسكا بەلگىسى  مىكروسوفت سېستىما قۇرۇلمىسىدىكى كومپىيۇتېرنىڭ دېسكىسىغا نام بېرىش شەكلى. UNIX ۋە  LINUX سېتىمىسىدا دېسكا بەلگىسى ئۇقۇمى يوق.

    ئالدىنقى ئەسىرنىڭ 70-يىللىرىنىڭ ئاخىرى ۋە 80-يىللارنىڭ بېشىدا IBM كومپىيۇتېرى ئالىي دەرىجىلىك كومپىيۇتېرنىڭ سىمۋولى ئىدى، قاتتىق دېسكىنىڭ باھاسى مىكرو كومپىيۇتېرنىڭ ئومۇملىشىشىغا توسقۇنلۇق قىلغاچقا بىر قىسىم كارخانىلار قاتتىق دېسكا سەپلەنمىگەن كومپىيۇتېرلارنى بازارغا سالغان ھەمدە ئەرزان باھاسى ئارقىلىق تەدرىجىي ئومۇملاشقانىدى.

    ئۇ دەۋىردە DOS سېستىمىسى ئومۇملاشقان بولۇپ، بولۇپمۇ مىكروسوفت قۇرۇلغان چاغدا سېتىۋالغان  86-DOS ۋە ئۇندىن كېيىنكى  MS-MOS ئالقىشقا ئېرىشكەن. بۇ سېستىمىلار بالدۇرلا سىرتتىن چېتىلىدىغان دېسكىغا دېسكا بەلگىسى تەقسىم قىلغان بولۇپ، تۇنجى دېسكا بەلگىسى A دېسكا ئىدى، بۇ ئەينى ۋاقىتتىكى ئاساسلىق ساقلاش ئۈسكىنىسى يۇمشاق دېسكىغا قارىتىلاتتى.

   دەسلەپكى يۇمشاق دېسكا 8 دىيۇم چوڭلۇقتا بولۇپ، مىكرو كومپىيۇتېرنىڭ لاھىيلىنىشى ۋە ئومۇملىشىشىغا پايدىسىز ئىدى، MS-DOS سېستىمىسى ئومۇملاشقان مەزگىلدە رەسمىي ھالدا كومپىيۇتېر ئۈچۈن قوبۇل قىلىنغىنى 5.25 ديۇملىق يۇمشاق دېسكا بولدى.

    مور قانۇنىيىتىگە ئاساسەن 5.25 ديۇملىق يۇمشاق دېسكىنىڭ پىشىپ يېتىلىشىگە ئەگىشىپ باھاسىمۇ توختىماستىن تۆۋەنلىدى، يەنە بىر جەھەتتىن سېستىمىنىڭ دېسكىنىڭ سىغىمىغا بولغان ئېھتىياجى تېخىمۇ ئۆرلىدى، شۇ سەۋەبلىك قوش دېسكا سەپلەش ئۇسۇلىمۇ ئومۇملاشتى A ۋە B دېسكا بەلگىسى يۇمشاق دېسكىغا بېرىلدى. ھەمدە بۇ ئىككىسى ئوخشاشلا 5.25 ديۇملىق دېسكا ئىدى.

   1982-يىلى مىكروسوفت دېسكا مۇلازىمىتى ھەيئەتلىكى 3.5 دىيۇملىق يۇمشاق دېتال ساھە ئۆلچىمىنى يولغا قويدى، 3.5 ديۇملىق يۇمشاق دېتالنىڭ ئارتۇقچىلىقى سىغىمى 5.25 ديۇملىق دېسكىدىن نەچچە ھەسسە چوڭ، ھەجىمى تېخىمۇ كىچىك ئىدى. 3.5 ديۇملىق دېسكىنىڭ ئومۇملىشىشىغا ئەگىشىپ قوش دېسكا 5.25 ديۇم ۋە 3.5 ديۇمغا ئۆزگەردى.

    قاتتىق دېسكىنىڭ تەرەققى قىلىش بىلەن باھاسى تۆۋەنلەپ تەدرىجىي مىكرو كومپىيۇتېرنىڭ ئاساسلىق ساقلاش ۋاستىسىگە ئايلاندى.

    ئالدىنقى ئىككى دېسكا بەلگىسى ئىشلىتىلىپ بولغانلىقى ئۈچۈن، MS-DOS 5.0 دىن باشلاپ سېستىما مەجبۇرىي ھالدا قاتتىق دېسكىدىكى ئاساسىي رايونغا C دېسكا بەلگىسى تەقسىم قىلغان، Windows بارلىققا كەلگەندىن كېيىنمۇ بۇ ئۇسۇلنى قوللانغان بولۇپ  ئوپتىكىلىق دېسكا، بارماق دېسكا، SD كارتا ۋە يۆتكىلىشچان قاتتىق دېسكا قاتارلىق بارلىق يېڭى دېسكىلارغا D ۋە كېيىنكى دېسكا بەلگىسى تەقسىم قىلىندى.

   21-ئەسىر كىرگەندىن بۇيان ئوپتىكىلىق دېسكا، بارماق دېسكا قاتارلىق ساقلىغۇچلارنىڭ تەرەققىي قىلىشى بىلەن يۇمشاق دېسكا شاللىنىپ تاشلاندى.

    2007–يىلى 2-ئايدا ياۋروپادىكى ئەڭ چوڭ كومپىيۇتېر پارچە سېتىش دۇكىنى PCWorld يۇمشاق دېسكا ۋە يۇمشاق دېسكا قوزغاتقۇچنى سېتىشنى توختاتتى.

2010-يىلى 4-ئايدا 1981-يىلى ئەڭ ئاۋال 3.5 دىيۇملىق يۇمشاق دېسكىنى ئىشلەپچىقارغان ۋە %70 بازارنى ئىگىلىگەن ياپونىيە سونىي شىركىتى 2011-يىلى 3- ئايدا يۇمشاق دېسكا ئىشلەپ چىقىرىشنى توختىتىدىغانلىقىنى جاكارلىدى.

گەرچە بۇنداق بولسىمۇ ئەينى ۋاقىتتا بېكىتىلگەن دېسكىغا نام بېرىش قانۇنىيىتى ئۆزگەرمىگەن بولۇپ A ۋە B دېسكا تارىخىي نام بولۇپ قېلىش بىلەن بىرگە C دېسكا Windows كومپىيۇتېرلىرىنىڭ تۇنجى دېسكا رايونىغا ئايلاندى.