ئۈزۈندە: دۇنيا سەھىيە تەشكىلاتىنىڭ يەرشارى خاراكتېرلىك تەكشۈرۈش نەتىجىسىدە كۆرسىتىلىشىچە، پۈتۈن دۇنيادىكى ھەقىقىي ساغلام كىشىلەر ئاران %5 نى ، كېسەلگە گىرىپتار بولغانلار %20 نى ئىگىلەيدىغان بولۇپ، %75 كىشى ئىككىنچى دەرىجىلىك ساغلاملىق ھالىتىدە تۇرىدىكەن.

1-خىل يامان ئادەت: ئۇخلاش ۋاقتىنىڭ يىتەرلىك بولماسلىقى.

%60تىن ئارتۇق كىشى ھەمىشە دېگۈدەك كۈندىلىك سەككىزسائەت ئۇخلاش ئادىتىنى داۋاملاشتۇرالمايدىكەن، ئۇنىڭدىن باشقا يەنە %7 كىشى دائىم ئۇيقۇسىزلىق تۈپەيلىدىن ياخشى ئارام ئالالمايدىكەن.

2-خىل يامان ئادەت: تەنتەربىيە-چىنىقىشنىڭ كەمچىل بولۇشى.

تەكشۈرۈشتە كۆرسىتىلىشىچە، پەقەت %10 لا ئادەم ھەپتىدە بەلگىلىۋالغان ۋاقتىدىلا بەدەن چىنىقتۇرىدىكەن، ئاساسەن %70 كە يېقىن كىشى تەنھەرىكەت قىلمايدىغان بولۇپ، ئۇلاردا ئاسانلا چارچاش، ماغدۇرسىزلىنىشتەك ئەھۋاللار كۆرۈلىدىكەن.

3-خىل يامان ئادەت: ئەتتىگەندە ناشتا قىلماسلىق.

خىزمەت رېتىمىنىڭ تېزلىشىغا ئەگىشىپ، ئۇزۇقلۇق قىممىتى يۇقىرى بولغان بىر ۋاقلىق تاماق يېيىشمۇ بىر خىل ئارزۇغا ئايلىنىپ قالغان بولۇپ، پەقەت ئاز ساندىكى كىشىلەرلا قانۇنىيەتلىك، ئۇزۇقلۇق قىممىتى ئىھتىياجىنى چىقىش قىلغان ئاساستا ناشتىلىق قىلدىكەن. ئەتتىگەندە ناشتا قىلماسلىق سالامەتلىككە ئېغىر زىيان ئىلىپ كېلىدىكەن.

4-خىل يامان ئادەت: ئۇزۇن مۇددەت كومپىيۇتېر بىلەن مەشغۇل بولۇش.

%30 ئارتۇق خىزمەتچى ھەر كۈنى سەككىز سائەتكە يېقىن كومپىيۇتېر بىلەن ھەپىلىشىدىكەن. ھەددىدىن زىيادە كومپىيۇتېرغا تايىنىۋالغاندا، بەدىنىمىز كومپىيۇتېر رادىئاتسىيىسىنىڭ تەسىرىگە ئۇچراپلا قالماستىن، يەنە كۆز، بۇيۇن ئۇمۇرۇتقا كېسەللىكلىرىمۇ پەيدا بولۇپ قالىدىكەن، شۇنداقلا روھىي ساغلاملىقىمىزغا زور تەسىر كۆرسىتىدىكەن.

5-خىل يامان ئادەت: ئۈچ ۋاقلىق ناشتىلىقنىڭ قانۇنىيەتسىز بولۇشى.

%30 تىن ئارتۇق كىشى خىزمەت ئالدىراشلىقى تۈپەيلى ئۈچ ۋاقلىق تاماقنى ۋاقتىدا يېيەلمەيدىكەن. ئۈچ ۋاقلىق ناشتا ۋاقتىغا كاپالەتلىك قىلالىغاندا ئاشقازان-ئۈچەي كېسەللىكلىرىنىڭ ئالدىنى ئالغىلى بولىدىكەن.

6-خىل يامان ئادەت: ئۇزۇن مۇددەت ھاۋا تەڭشىگۈچ بولغان شارائىتتا خىزمەت قىلىش.

%70 كۆپرەك كىشى تۆت پەسىلنىڭ ھەممىسىدە دېگۈدەك ھاۋاسى تەڭشەلگەن ئىشخانا مۇھىتىدا خىزمەت قىلىدىكەن، بۇ خىل مۇھىت ئادەمنىڭ ئىممۇنىتېت ئىقتىدارىنى تەبىئىيلا تۆۋەنلىتىۋېتىدىكەن.

7-خىل يامان ئادەت: ئولتۇرۇشنىلا خالاپ، ھەرىكەت قىلىشنى خالىماسلىق.

نۇرغۇنلىغان ئىشخانا خىزمەتچىلىرى ئولتۇرۇپلا خىزمەت قىلىشقا ئادەتلىنىۋالغاچقا، تازلىق ئۆيىگە بېرىشتىن باشقا چاغلاردا ئاسانلىقچە ئۇرنىدىن تۇرمايدىكەن. ئۇزۇن مۇددەت ئۇلتۇرۇش قان ئايلىنىش سىستېمىسىغا زىيانلىق بولۇپ، نۇرغۇنلىغان مىتابولىزىم ۋە قان-تومۇر كېسەللىكلىرىنى كەلتۈرۈپ چىقىرىدىكەن.

8- خىل يامان ئادەت: ئاغرىپ قالسىمۇ، دوختۇرغا كۆرۈنۈشكە ئېرىنچەكلىك قىلىش.

تەكشۈرۈشتە كۆرسىتىلىشىچە، يىرىمغا يېقىن كىشى ئاغرىپ قالغاندا، ئۆزىلا دورا تەييارلىۋالىدىكەن، ئۈچتىن بىر قىسىم ئادەم كىچىك كېسەل دەپ قاراپ پەرۋا قىلىپ كەتمەيدىكەن. نۇرغۇنلىغان كىشىلەر كىچىك كېسەل دەپ سەل قارىغاچقا، داۋالاشنىڭ ئەڭ ياخشى ۋاقتىنى قولدىن بېرىپ قويۇپ، كېسەللىك ئەھۋالى ئېغىرلاپ كېتىدىكەن.