ئەسلى تېما :70 يىلدىن كېيىن فاشىزمغا قارشى ئۇرۇشقا قاتناشقان جەڭچىلەرگە ماددىي ئەشيا توشىغان جەرياندا قازا قىلغان ئۇچقۇچىدىن قالغان تەۋەرۈك ئائىلە تاۋابىئاتلىرىنىڭ قولىغا قايتتى

بەيدۇ تورى خەۋىرى لەگلەك تورى تەرجىمىسى .1944-يىلى 29-ئۆكتەبىر ئەنگلىيە ئارمىيىسىنىڭ 14ئايروپىلانى ئەنگىلىيىدىن ئۇچۇپ ئالبانىيىدىكى فاشىزمغا قارشى ئۇرۇشقا ئاتلانغان جەڭچىلەرگە ماددىي ئەشيا توشىغان .ئەمما پەقەت 12 ئايروپىلانلا ئوڭۇشلۇق قايتىپ كېلەلىگەن .يەتمىش يىلدىن كېيىن شۇ جايدىكى بىر كەنت ئاھالىسى تەمىنلىگەن يىپ ئۇچىغا ئاساسەن ئەنگلىيە بىلەن ئامېرىكىنىڭ بىر بىرلەشمە ئىزدەش گۇرۇپپىسى ئالبانىيىدىكى بىر تاغ باغرىدا ئايروپىلاننىڭ قالدۇقىنى تاپتى .شۇ جاي ۋاقتى 9-مارت ئىزدەش گۇرۇپپسى ئالاھىدە مۇراسىم ئۆتكۈزۈپ قازا قىلغانلارنىڭ ئائىلە تاۋابىئاتلىرىغا ئۇلاردىن قالغان تەۋەرۈكلەرنى تاپشۇرۇپ بەردى .

كىشنى ئەپسۇسلاندۇرىدىغىنى ئىزدەش خادىملىرى نەق مەيداندىن ئايروپىلاننى پەرق ئېتىدىغان ئايروپىلان خادىملىرىنىڭ سالاھىيىتىگە مۇناسىۋەتلىك ھېچقانداق يىپ ئۇچىغا ئېرىشەلمىدى .ئايروپىلان قالدۇقلىرى داتلىشىپ كەتكەن بۇلۇپ ئۇلار پەقەت بۇزۇلۇپ كەتكەن ماتور ئارقىلىق قىسمەن تەرتىپ نومۇرىنى پەرق ئېتەلىگەن .بارلىق يىپ ئۇچى ئىچىدە ھەممىدىن مۇھىم بولغىنى جۇچى ۋە جون دېگەن خەتلەر ئۇيۇلغان ئۈزۈك بولدى .بۇ ئۈزۈكنى 1960-يىلى شۇ جايدىكى بىر كەنت ئاھالىسى بايقىغان بۇلۇپ ئۇ ئوغلى بىلەن بۇ ئۈزۈكنى ساقلاپ كەلگەن ،ھەمدە كۈنلەرنىڭ بىرىدە ئىگىسىگە قايتۇرۇپ بېرىشنى ئۈمىد قىلغان .ئۇ مۇنداق دېدى :>1971-يىلى توي قىلغان چېغىمدا بۇ ئۈزۈكنى كۆرگەن ،دادام ماڭا ئۇنى سوۋغا ئورنىدا بەرگەن .دادام ئۇ ئۈزۈكنى بەرگەندە بۇ ئۈزۈكنى ئىگىسىگە قايتۇرۇپ بېرىش كېرەكلىكىنى ئېيتقان ،ئۇ ماڭا ئۈزۈكنى قانداق تېپىۋالغانلىقىنى سۆزلەپ بەردى <.

بۇ ئۈزۈك ئەسلىدە ئۇچۇش مېخانىكى سېرجان جون پومپىسوننىڭ بۇلۇپ ئۇ خوتۇنى بىلەن 1944-يىلى ئىيۇندا توي قىلغان .توي قىلىپ بىر ھەپتىدىن كېيىن ئۇ چەتئەلگە ئۇرۇش قىلىشقا كەتكەن ۋە ۋەزىپە ئىجرا قىلىۋاتقان كىشىلەرگە ئ.ئەشيا توشۇش جەريانىدا بەختكە قارشى قازا قىلغان .ئۇنىڭ تۇل قالغان خوتۇنى ئۇرۇشتىن كېيىن باشقا بىرسىگە ياتلىق بۇلۇپ 1995-يىلى قازا قىلغان .شۇڭا 9-مارتتىكى تاپشۇرۇپ بېرىش مۇراسىمىدا ئۇنىڭ 92-ياشقا كىرگەن ئاتىسى خېۋىر بۇ كېچىككەن خاتىرە بۇيۇمىنى تاپشۇرۇپ ئالدى .

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى : LEGLEK