فىرانسىيە تاراتقۇلىرىنىڭ خەۋىرىگە قارىغاندا، فىرانسىيە خەلق سوتسىيالىستلار پارتىيەسىنىڭ پارلامېنت ئەزاسى، روھىي كېسەللىكلەر دوختۇرى ئولىۋېر ۋىلان دۆلەتنىڭ قانۇن تۇرغۇزۇپ، زىيادە ئورۇق، ئوزۇقلۇق يېتىشمەيدىغانلارنىڭ مودېللىق بىلەن شۇغۇللىنىشىنى چەكلەش ھەمدە ‹‹ ئىشتىھاسىزلىقنى تەرغىب قىلىش ›› جىنايەت نامىنى بىكىتىپ، قىزلارنىڭ خاتا يېتەكلىنىپ، ئىشتىھاسىزلىق كېسىلىگە گىرىپتار بولۇشىنىڭ ئالدىنى ئېلىش تەكلىپىنى بەرگەن.
ۋىلان شۇ كۈنى خەلق پارلامېنتىغا بىر پارچە ‹‹ساغلاملىق قانۇنى ›› لايىھەسىنىڭ تۈزىتىلگەن نۇسخىسىنى تاپشۇرغان بولۇپ، مودېللىق ۋاستىچى شىركەتلىرىنىڭ ئوزۇقلۇق يېتىشمىگەن دەپ دىياگنوز قويۇلغان مودېللارنى ئىشلىتىشنى چەكلەشنى ئوتتۇرىغا قويغان.
ۋىلاننىڭ كۆرسىتىشىچە، فىرانسىيەدە ھەر يىلى 30 ~ 40 مىڭغىچە ئادەم تاماقتىن يىرگىنىش پىسخىكىلىك كېسەللىكى ئازابىغا ئۇچراۋېتىپتۇ.