2014-يىللىق ‹‹يىپەك يولى›› خەلقئارا يېمەكلىك كۆرگەزمىسى سودا يىغىنى ۋە 4-نۆۋەتلىك جۇڭگو مۇسۇلمانچە تائام مەدەنىيىتى بايرىمىنىڭ ئاخبارات خەۋەرلەندۈرۈش يىغىنى 22-ئۆكتەبىر شىنجاڭ خەلقئارا كۆرگەزمە مەركىزىدە ئېچىلدى

تەڭرىتاغ تورى خەۋىرى: 2014-يىللىق ‹‹يىپەك يولى›› خەلقئارا يېمەكلىك كۆرگەزمىسى سودا يىغىنى ۋە 4-نۆۋەتلىك جۇڭگو مۇسۇلمانچە تائام مەدەنىيىتى بايرىمى 10-ئاينىڭ 25-كۈنىدىن 28-كۈنىگىچە شىنجاڭ خەلقئارا كۆرگەزمە مەركىزىدە ئۆتكۈزۈلىدۇ. كۆرگەزمە نەق مەيدانىدا سەككىز تۈردە جىننېس رېكورتىغا ئىلتىماس قىلىنىدۇ، شۇنىڭ بىلەن بىر ۋاقىتتا، شەھەر ئاھالىلىرى كۆرگەزمىدىكى كاتتا زىياپەتكە داخىل بولسا بولىدۇ.

2014-يىللىق ‹‹يىپەك يولى›› خەلقئارا يېمەكلىك كۆرگەزمىسى سودا يىغىنى ۋە 4-نۆۋەتلىك جۇڭگو مۇسۇلمانچە تائام مەدەنىيىتى بايرىمىنىڭ ئاخبارات خەۋەرلەندۈرۈش يىغىنى 22-ئۆكتەبىر شىنجاڭ خەلقئارا كۆرگەزمە مەركىزىدە ئېچىلدى. ئۈرۈمچى شەھەرلىك خەلق ھۆكۈمىتى ئىشخانىسىنىڭ مۇئاۋىن مۇدىرى لى يەنجۈن، شىنجاڭ خەلقئارا كۆرگەزمە مەركىزىنىڭ مۇدىرى، مۇئاۋىن شۇجىسى، يېمەكلىك كۆرگەزمىسى سودا يىغىنى سودىگەر چاقىرىش، تەرەققىيات بۆلۈمىنىڭ مۇئاۋىن باشلىقى لى چيۇمىن، ئۈرۈمچى شەھەرلىك سودا ئىدارىسى (ئاشلىق ئىدارىسى) تەكشۈرۈش تارماق ئەترىتىنىڭ باشلىقى، يېمەكلىك كۆرگەزمىسى سودا يىغىنى مۇسابىقە ئىشلىرى ۋە پائالىيەت ماسلاشتۇرۇش بۆلۈمىنىڭ مۇئاۋىن باشلىقى چېن لىخۇي قاتارلىقلار خەۋەرلەندۈرۈش يىغىنىغا قاتناشتى ھەمدە مۇخبىرلارنىڭ سوئاللىرىغا جاۋاب بەردى.

بۇ نۆۋەتلىك يېمەكلىك كۆرگەزمىسى سودا يىغىنى 10-ئاينىڭ 25-كۈنىدىن 28-كۈنىگىچە ئۆتكۈزۈلىدۇ، شەھەر ئاھالىلىرى2-ئەۋلاد كىملىكىنى ئېلىپ شىنجاڭ خەلقئارا كۆرگەزمە مەركىزىنىڭ جەنۇبىي ئىشىكىدىن ھەقسىز بېلەت ئېلىۋالسا بولىدىكەن. 23-ئۆكتەبىردىن باشلاپ شەھەر ئاھالىلىرى يەنە پۈتۈن شەھەردىكى 527 كۆكتات بىۋاسىتە سېتىش دۇكانلىرىدىن كىملىكى بىلەن بېلەت ئالسا بولىدىكەن.